Day: مرداد ۶, ۱۴۰۲

د روغتیا نړیوال سازمان وايي، نږدې یو میلیون افغانان پر تور زېړي اخته شوي دي. دغه سازمان نن «د زمري شپږمه، د جمعې ورځ» د «هپاټیټ نړیوالې ورځې» په مناسبت ویلي چې شاوخوا ۶۸۰ زره افغانان د هپاټیټ پر «B» او شاوخوا ۳۲۰ زره نور د دغه ویروس پر «C» ډول چې تور زېړی ورته ویل کېږي، اخته شوي دي.

د کندوز د علي‌اباد ولسوالي یوشمېر اوسېدونکي شکایت کوي چې د دې ولسوالي په روغتیايي مرکزونو کې ښځینه ډاکټره نشته او په وینا یې، دوی له ستونزو سره مخامخ دي او امېندوارې ښځې ډېر کله خپل ژوند له لاسه ورکوي.