د کډوالو او بیرته راستنېدونکو چارو وزارت نن (سېشنبه، وري ۲۶) یوه خبرپاڼه کې ویلي چې تېره ورځ ۲۰۰ افغان چې د پاکستان په بندخونو کې بندیان وو، ازاد او هیواد ته راستانه شول.
خبرپاڼه کې د تورخم فرضي کرښې د سرحدي امریت د معلوماتو له مخې ویل شوي چې یاد شوي کسان د پاکستان بېلابېلو سیمو کې نیول شوي او له ۱۵ ورځو تر ۶ میاشتو پورې بندیان وو.
دغه افغانان هېواد ته تر راتلو او د بشري مرستو له ترلاسه کولو وروسته، خپلو اصلي مېنو ته لیږدول شوي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د یادونې ده چې تر دې وړاندې هم د پاکستان له زندانونو سلګونه افغانان ازاد او هېواد ته راستانه شوي دي.
دغه افغان کډوال داسې مهال د پاکستان له زندانونو خوشې کېږي چې د پاکستان حکومت دغه هېواد کې د افغان کډوالو د جبري ستنولو لړۍ چټکه کړې.
د ملګروملتونو د ورستیو شمېرو پر بنسټ د روانې اپرېل میاشتې له لومړۍ نېټې تردامهاله شاوخوا ۵۰ زره افغانان له پاکستانه افغانستان ته ستانه کړل شوي دي.