هند کې چارواکي وايي چې د دغه هېواد په «ممبی» کې د تالندې او توپان له امله د یوه بېلبورډ لوېدو په پایله کې ۱۴ کسان مړه شوي او لسګونه نور ټپیان دي.
بېلبورډ د تېلو ټانک او ورڅېرمه کورونو باندې لوېدلی چې پرمهال یې دغه کسان مړه او ټپیان شوې دي.
د سلاموطندار پښتو فېسبوکپاڼه وڅارئ
د ممبی ښاروالي رسنیو ته ویلي چې له پېښې وروسته ۷۴ ټپیان روغتون ته لېږدول شوي چې ۳۱ یې تر درملنې وروسته بېرته رخصت شوې دي.
پرېس ټرسټ اف انډیا خبري اژانس د پولیسو له قوله خبر ورکړی چې دغه بېلبورډ په غیرقانوني توګه لګول شوی و.
د پېښې په تړاو د لوړې کچې څېړنې امر شوی او د چارواکو په وینا، د ګرم کسانو پر وړاندې به جدي اقدامات وشي.