په اوکراین کې د روسي ځواکونو د بریدونو پرمهال د څلورو ماشومانو په ګډون لږ تر لږه ۱۲ کسان وژل شوي دي.
الجزیرې خبري شبکې نن یکشنبه، جون ۳۰مه د اوکراین ولسمشر ولادیمیر زیلنسکي له قوله راپور ورکړی چې د ژااپوریژیا مرکز ته څېرمه د ویلنینسک په کلي کې ښايي د وژل شویو شمېر له دې هم ډېر شي.
د سلاموطندار پښتو فېسبوکپاڼه وڅارئ
زیلینسکي پر ټولنیزو رسنیو د خپلو لوېدیځو متحدینو څخه غوښتنه کړې چې د وسلو رسولو ته چټکتیا ورکړي. «د دوو ماشومانو په ګډون اووه کسان په ژاپوریژیا سیمه کې د روسیې توغندیزو بریدونو کې وژل شوي دي.»
نوموړي همداراز ویلي: «په دې جګړه کې د پرېکړو هر ډول ځنډ د انساني ژوند د ضایعکېدو په معنی دی.»
د اوکراین د کورنیو چارو وزیر ایګور کلیمینکو بیا ویلي چې د ژاپوریژیا په ویلنینسک کلي کې د بریدونو له امله ۱۸ کسان ټپیان شوي چې پهکې ماشومان هم شامل دي.
وروسته له هغې چې روسیې د جګړې په کرښو کې خپل بریدونه پراخ کړل، د جګړې لومړیو کرښو کې نښتو زور اخیستی دی.
روسي چارواکو هم ویلي چې د اوکراین د بېپېلوټه الوتکو په بریدونو کې د ماشومانو په ګډون پنځه کسان وژل شوي دي.