د ایران د بهرنیو چارو وزارت ویاند ناصر کنعاني پر اسراییلو د دغه هېواد له توغندیزونو بریدونو وروسته ویلي، اسراییل او د هغو ملاتړي دې وپوهېږي، ایران چې څه وايي، هغه کوي.
د سلاموطندار پښتو فېسبوکپاڼه وڅارئ
نوموړي نن (د تلې ۱۱مه، چهارشنبه) پر خپل اېکس یوه خبرپاڼه کې لیکلي چې ایران د سیمې امنیت او ثبات ته ژمن دی، خو د «یرغلګرو» پر وړاندې به کوټلي ګامونه واخلي.
هغه زیاته کړې چې د ایران د حاکمیت او امنیت پر وړاندې هر ډول «ناسنجول شوی» اقدام به بېځوابه نه پرېږدي. ناصر کنعاني ټینګار کړی، ایران چې هر ځای وغواړي، په نښه کولای یې شي.
د ایران سپاه پاسدارانو د سهشنبې په شپه اعلان وکړ چې د اسراییلو نظامي او امنیتي مرکزونه یې په لسګونو توغندیو ويشتي دي.
اسراییلو هم د ایران توغندیز برید منلی او ویلي یې دي چې د امریکا په همکاري یې ډېری توغندي نهدي پريښي چې موخې په نښه کړي.