پکتیا مرکزی گردیز شهریده بیر عایله اعضالری نینگ ایتیش‌لریچه، «باسط» و «عبدالمالک» ناملی ایکی فرزندلری امنیتی کوچلرنینگ صفیده ایکن کیم باسط ۶ آی آلدین و عبدالمالک ایسه نیچه کون آلدین هلاک ایتیلگن.
۷۰ یاشر عبدالکریم مذکور عسکرلرنینگ آته‌سی دیر. اونینگ ایتیشیچه، فرزندلری هلاک ایتیلگندن کیین ۱۳ کیشی‌لیک عایله‌سی سرپرست‌سیز قالگن و بو عایله نینگ عیاللر و باله‌لری یمان اقتصادی وضعیت گه قرار تاپگن.
باسط و عبدالمالک نینگ آنه‌سی فرزندلری نی قولدن بیرگن اوچون کوپ حزین‌لنگن و او کوز یاشی بیلن بونده‌ی دیدی: «بیر فرزندیم شهید بولدی، باشقه بیری ایسه ده شهید بولدی. بو باله‌لر بیزلرگه قالگن. اولرنینگ باله‌لری قیزلر و ایرککلر دیر. تورموش اورتاغیم نی یاشی کیتگن، آیاق‌لریم اَغریدی، تورموش اورتاغیم نینگ هم اَیاق‌لری اَغریدی. سرپرست‌سیز قالگن‌میز، صبر دن باشقه یولیمیز قالمه‌گن.»
بیراق پکتیا امنیتی مسئوللری نینگ ایتیش‌لریچه، اوروشلر باعث فرزندلری نی قولدن بیرگن هر بیر عایله گه یاردم بیریله‌دی.
پکتیا پولیس قومندانلیگی سرپرستی لطف‌الله کامران نینگ ایتیشیچه، ایچکی ایشلر وزیرلیگی قربانی‌لرنینگ عایله‌سیدن مادی و معنوی حمایت قیلیش اوچون جدی اراده‌سی بار.
اوتگن ۱۸ ییل ده اوروشلر باعث اونلرچه مینگ عسکر قربانی بولگن کیم بولردن کوپینچه‌سی سرپرست‌سیز قالیب و باشقه‌لرنینگ امیدی گه حیات کیچیره‌دیلر.
