جوزجان ولایتی نینگ آقچه تومنی یشاوچی‌لریدن بیرقطاری نینگ ایتیش‌لریچه، طالبان گروهی تومن‌لرنی نظارت‌لریگه آلگنیدن سونگ، اهالی‌گه قرشی ینگی چیکلاو یره‌تگن.
جوزجان ولایتی نینگ آقچه تومنی یشاوچی‌لریدن بیرقطاری نینگ ایتیش‌لریچه، طالبان گروهی اوشبو تومنده ینگی چیکلاولر یره‌تیب و اونینگ عملگه آشیریلیشی اوستیگه تاکید قیله‌دی.
آقچه تومنی یشاوچی‌لریدن بیری مولوده نینگ ایتیشیچه، طالبان گروهی غربی کییم کییش، سقال‌نی تراش‌لش، عیال‌لرگه عاید لوازم‌لرنینگ ساتیلیشی و هوشمند تلفون‌لردن فایده‌له‌نیشنی منع قیلگن.
اونینگ کوپه‌یتیریشیچه، طالبان گروهی حاضرده ییغین‌لر آرقه‌لی اهالی‌نی جهاد گه دعوت قیله‌دی و کیچیک باله‌لردن عسکر آله‌دی.
جوزجان مدنی فعال‌لریدن بیری روح‌الله غفوری نینگ ایتیشیچه، طالبان گروهی اوشبو ولایت نینگ تومن‌لریده هرقندهی چیکلاو یره‌تگن و بو حرکت‌لری بیلن افغانستان‌نی قاره بیر دوره‌گه آلیب باریش‌نی ایسته‌یدی.
عین‌حالده، جوزجان ولایتی نینگ قرقین تومنی یشاوچی‌لریدن بیرقطاری نینگ کیم‌لیک‌لری سیرقالیش‌نی ایسته‌ب ایتیش‌لریچه، طالبان گروهی اوشبو تومن یشاوچی‌لریگه قرشی ینگی چیکلاولر یره‌تگن و شونینگدیک، زوردن تورموش‌گه چیقاریش‌گه ایجابی آواز بیرگنلر.
قرقین یشاوچی‌لریگه کوره، عیال‌لر و قیزلر ایرکک‌لرگه تابع دیر و قرار قیلیش خصوصیده استقلالیت‌لری یوق.
عین‌حالده، جوزجان حاکمی اورین باسری عبدالقادر مالیه نینگ ایتیشیچه، طالبان گروهی سقال‌نی تراش‌لش، عیال‌لرنی بی‌محرم اویدن چیقمه‌یشی و انسان حقوقی و ایرکین‌لیگی‌نی سلب قیله‌دیگن باشقه بیرقطار چیکلاولرنی یره‌تگن.
جوزجان حاکمی اورین باسری‌گه کوره، اهالی طالبان نینگ چیکلاو و ظلم‌لریدن خسته بولگن و اوشبو گروهی نی نابود قیلیش اوچون سعی و حرکت‌لرنی دوامی بار.
بیراق، طالبان سوزلاوچیسی ذبیح‌الله مجاهد، جوزجان تومن‌لریده اوشبو گروه تامانیدن چیکلاو یره‌تیلگنی‌نی رد قیلیب ایتیشیچه، طالبان گروهی اهالی نینگ شخصی ایش‌لریگه دخالت قیلمه‌یدی.