آریانانیوز خصوصی تلویزیونی نینگ مسئول‌لری، اسلامی امارت اوشبو تلویزیون نینگ سیاسی برنامه‌لر مجریسی وارث حسرت و اقتصادی گزارش‌گری اسلم حجاب‌نی قویبارگنینی تصدیقله‌گن. اولرنینگ ایتیشلریچه، مذکور ایکی ژورنالیست بوگون اسلامی امارت استخباراتی تامانیدن آزاد ایتیلگن‌لر.
آریانانیوز خصوصی تلویزیون مسئول‌لری نینگ کوپیتیریشلریچه، اسلامی امارت اوشبو ایکی خبرچی نینگ قولگه آلیشی حقیده اولرگه بیلگی بیرمه‌گن.
وارث حسرت و اسلم حجاب، دوشنبه کونی توش‌دن کیین ۱۱ دلو کابل شهری‌ده مذکور میدیا نینگ ایشیگی یقینیدن اسلامی امارت استخبارات کوچلری تامانیدن قولگه آلینگن ایدیلر. اوشبو ایکی ژورنالیست حبس‌گه آلینیشی، ایریم عکس العمل‌لرگه روپه‌رو بولدی.
بیزلرنینگ فیسبوک صحیفه‌میزگه باش اورینگ!
بیرلشگن ملت‌لر تشکیلاتی نینگ افغانستان ده‌گی اورین باسرلیک هیأت دفتری یا یوناما، اوتگن کونی بیر بیانه آرقه‌لی افغانستان ده میدیالر و سوز ایرکین لیگی‌گه یره‌تیلگن چیکلاولردن خواطر بیلدیریب، اسلامی امارت‌دن آریانانیوز ایکی خبرچی‌سی قولگه آلینیشی باره سیده معلومات بیریشینی سوره‌دی.
خلق‌ارا تشکیلاتی هم اوتگن کونی آریانانیوز ایکی مخبری اسلامی امارت استخباراتی کوچلری تامانیدن قولگه آلینیشینی «اوز باشیمچه‌لیک و قبول قیلینمس» دیب اولر شرط سیز روشده قویباریلیشینی طلب قیلدی.
بیزلرنینگ توییترده هم تعقیب قیلینگ!
عین‌حالده افغانستان اسلامی امارت حاکمیت گه ایریشیشی‌دن کیین، میدیالر و ژورنالیست‌لرنی قوللب قوتلاوچی نهادلر هردایم ییتکیرمه‌لرگه چیکلاو یره‌تیلیشیدن خواطر بیلدیریب ایتیشلریچه، خبرچیلر ایریم زوروانلیک و قیینچیلیک لرگه روپه‌رو دیر.
