خلقارا ساغلیقنی سقلش تشکیلاتی، دبیده اوشبو تشکیلاتنینگ لوژستیکی مرکزیدن ۷۸.۵ تُن طبی جهازی افغانستان گه ییتیب کیلگنینی بیلدیردی.
بو تشکیلات، ایکس صحیفهسیده یازیشیچه، اوشبو یوک ترکیبی گه قیزهمیقنی دوالش توپلملری، اوپکه کسللیگینی دوالش اوچون دارو، توییب آوقتلنمهگن بالهلر اوچون مخصوص آزیق-آوقت، جراحلیک اوسکونهلری و باشقه طبی ضروری نرسهلردن عبارت بولیب، ۱۴ حمل/۳ اپریل، جمعه کونی کابل گه ییتیب کیلگن.
خلقارا ساغلیقنی سقلش تشکیلاتیگه کوره، بو طبی جهازلر ۴۱۹ مینگ کیشیگه یاردم بیریب و افغانستان مقیاسیده ۱۳ مینگ ۶۰۰ جراحلیک عملیاتنی عملگه آشیریش امکانیتینی یرهتهدی.
افغانستانده طبی خذمتلر گه احتیاج کوپ بولیب و ایریم حدودلرده طبی امکانیتلر آز بولگن بیرحالده، بو یاردملر کورسهتیلگن.
افغانستان ساغلیق تیزیمی دههلردن بیری خلقارا یاردملر گه قرهم بولیب و خلقارا ساغلیقنی سقلش تشکیلاتی کسلخانهلرنینگ جهازلرینی تأمینلش و طبیات خادملرینی تعلیم بیریشده مهم رول اوینب کیلماقده.
