هرات ساغلیق‌نی سقلش مسئوللری، اوشبو ولایت نینگ اسلام‌قلعه چیگره‌سی ساغلیک مرکزی ده، ۱۶۰ مینگ دالرلیک سِل (توبرکلوز) کسل‌لیگینی انیقلش ایکی طبی جهاز قوندیریلگنیدن خبر بیره‌دیلر.
اولر نینگ ایتیشلریچه، اوشبو ایکی طبی جهاز ایران دن دیپورد بولگن قاچقینچیلر کسل‌لیگینی انیقلش مقصدیده قوندیریلگن.
بیزلرنینگ فیسبوک صحیفه‌میزگه باش اورینگ!
ساغلیق‌نی سقلش وزیرلیگی نینگ سل کسل‌لیگی ملی پروگرام مسئولی خان‌محمد منگل گه کوره، مذکور جهازلر ایکی ثانیه ده سل گه چلینگن کیشی نینگ کسل‌لیگینی تشخیص قیله‌دی.
او نینگ کوپه‌یتیریشیچه، سل گه چلینگن کیشی تشخیص بولیشیدن کیین، اولرنی اوز منطقه‌لریده دواله‌یدیلر.
سل کسل‌لیگی پروگرام مسئولی نینگ کوپه‌یتیریشیچه، اوتگن ییل ده اولکه بویلب سل گه چلینگن ۵۳ مینگ کیشی دوالنگن.
عین‌حالده، هرات ده سل کسل‌لیگی پروگرام مسئولی عبدالرحمان احمدی گه کوره، مذکور ایکی جهاز سل گه چلینگن کیشی‌لر نینگ کسل‌لیگینی انیقلش اوچون کوپ قولی‌لیک‌لرنی یره ته‌دی.
بیزلرنینگ توییترده هم تعقیب قیلینگ!
احمدی جنابلری نینگ ایتیشیچه، اوتگن ییل ده هرات ده سل گه چلینگن ایکی مینگ ۸۰۰ کیشی ثبت بولیب و ساغلیک مسئوللری تامانیدن دوالنگن.
هرات ساغلیق‌نی سقلش مسئوللری گه کوره، سل گه چلینگن کیشی‌لر تیکین روشده دوالنیب و اولر نینگ دوالنیش مدتی ۶ آی دن بیر ییل گچه دوام تاپه‌دی.
