قرهقل تیریسی بیر تیپ قوزی نینگ تیریسی دیر. قوزی نینگ توغیلیشی بیلن ذبح بولیب و تیریسی اوشبو صنعت اوچون آلینهدی. قرهقل تیریسی افغانستانده مملکتدن تشقی گه صادر بولیش و قرهقل کلاه توزهتیش اوچون قوللنیلهدی و اوشبو صنعت اوتمیشلرده افغانستان نینگ اینگ بویوک درآمد منبعلردن بیری ایدی؛ بیراق حاضر ایسه مملکتده قرهقل صنعتی تنزل گه یوزتوتگن.
بیزلرنینگ فیسبوک صحیفهمیزگه باش اورینگ!
قندوزده قرهقل تیریسی نینگ سوداگرلریدن بیری خیرمحمد، ییللردن بویان قرهقل صنعتی بیلن شغللنگن، اونینگ ایتیشیچه، تشقی بازارلرده مشتریلر تقاضاسی بولمهگنی باعث، قندوزده اوشبو صنعت صادراتی ۹۰ فایز کمهیگن دیر.
اونینگ کوپهیتیریشیچه: «قرهقل تیریسی نینگ صادراتی اوتمیش ییل گه قرهگنده، بو ییل ۹۰ فایز کمهیگن. مالدار اهالی قوزی ذبح قیلمهیدیلر؛ چونکه بازاری یوق. قرهقل تیریسی نینگ قیمتی ۳۰۰ الی ۵۰۰ افغانی دیر.»
قندوزده قرهقل تیریسی نینگ سوداگرلردن باشقه بیری عبدالباقی زاخیل، ۴۰ ییلدن بویان اوشبو بولیمده فعالیت قیلهدی، مواصلاتی یوللر نینگ باغلنگنی و سوداگرلیک برابریدهگی موجود قیینچیلیکلر نی، قرهقل صنعتی نینگ کمهیشی گه اساسی سبب بیلهدی.
بیزلرنینگ توییترده هم تعقیب قیلینگ!
اونینگ کوپهیتیریشیچه: «اوچ ییل آلدین قرهقل تیریسی ۲مینگ و ۵۰۰ افغانی ساتیب آلنهر ایدی. حاضر بازارلر و خلقارا پروازلر بند بولگن، هیچ کیم ۵۰۰ افغانی هم آلمهیدی و اهالی کوپ زیان قیلگن. شخصاً اوزیم ۳۰۰۰ قرهقل تیریسی نی شبرغان گه قویگن مین، بازاری یوق و ضرر قیلماقدهمیز.»
شوندهی بیرحالده، قندوزده چارواچیلردن قطاری نینگ سلاموطندار گه ایتیشلریچه، ایکی ییلدن بویان اوشبو ولایت بازاریده قرهقل تیریسی نینگ نرخی کمهیگن و انه شوو سبب، قوزیلر نی ذبح قیلمهدیلر.
قندوز دشت ارچی تومنی نینگ چارواچیلریدن بیری حبیبالله نینگ ایتیشیچه: «بیزلر بو قرهقل تیریلری نی ایکی ییلدن بیری حلال قیلمهیمیز، چونکه بازاری یوق و قرهقل نینگ نرخی بازارده ۲۰۰ الی ۳۰۰ افغانی دیر که بو ییترلی ایمس.»
باشقه بیر تاماندن، قندوزده قرهقل کلاهسی نینگ صنعتچیلریدن بیری نصیراحمد نینگ ایتیشیچه، شونینگدیک مملکت ایچیده هم قرهقل کلاهسی نینگ قوللنیشی کمهیگن و بو صنعت علاقهمندلری نی قولدن بیرگن.
افغانستان قرهقل تیریسی نینگ کیفیتی دنیاده نظیری یوق و نیچه ییل آلدین انگلستان، دانمارک، فنلاند و چین اونینگ اساسی خریدارلری ایدیلر؛ بیراق سونگی نیچه ییلده اوشبو صنعت آزراق دنیا بازارلری گه صادر بولگن.