حکومت نینگ تینچلیک بوییچه مذاکره قیلووچی هیأتی طالبان گروهی نینگ هیأتی بیلن ایکینچی دور مذاکره‌نی باشله‌ش اوچون ایرته (دوشنبه) قطر باشکینتی دوحه شهریگه سفر قیلماقچی ایدی، لیکن ملی مصالحه کینگشی و حکومت نینگ مذاکره قیلووچی هیأت عضوی خانم حبیبه سرابی نینگ سلام‌وطندارگه ایتیشیچه، حکومت تامانیدن تینچلیک مذاکره‌نی آلغه آلیب باره‌دیگن هیأت‌لر ایرته دوحه شهریگه کیتیب – کیتمس‌لیک‌لری بیللی ایمس.
گرچند خانم سرابی اوشبو موضوع خصوصیده‌گی قیین‌چیلیک حقیده هیچ‌قنده‌ی فکر بیلدیرمه‌یدی، بیراق حکومت نینگ تینچلیک بوییچه مذاکره قیلوچی هیأتی ایرته قطر اولکه‌سیگه سفر قیلمس‌لیگی ممکن دیگن.
خانم سرابی نینگ ایتیشیچه، مذاکره قیلوچی هیأت بوگون جمهور رئیس بیلن اوچره‌شه‌دی و جمهور رئیس نینگ تینچلیک مذاکره‌سی خصوصیده رهنمودی بولیشی ممکن.
لیکن اوتگن کونی ملی مصالحه کینگشی، دولت تامانیدن مذاکره قیله‌دیگن هیأت لازم بولگن رهنمودلرنی قولگه کیلتیرگن و هیأت قطر اولکه سیگه سفر قیلگنیدن کیین، تینچلیک مذاکره‌سی نینگ ایکینچی دوری جدی آیی نینگ ۱۶- کونی باشلنیشی نی بیلدیرگن ایدی. لیکن خانم سرابی گه کوره، دولت تامانیدن مذاکره قیله دیگن هیأت حاضر گچه رهنمودنی قولگه کیلتیرمه گن و تیزلیکده قولگه کیلتیریش‌لری ممکن.
دولت آدرسیدن مذاکره قیله‌دیگن هیأت قطر اولکه‌سی گه سفر قیلمه‌گنی خصوصده، ملی مصالحه کینگشی نینگ فکرینی آلیشده تلاش قیلدیک، لیکن ملی مصالحه کینگشی نینگ اعضاسی تلیفونی میزگه جواب قیترمه‌دیلر.
انه شوحالده طالبان گروهی تامانیدن مذاکره قیله دیگن هیأت سوزلاوچیسی داکتر محمد نعیم سلام‌وطندار گه ایتیشیچه، طالبان گروهی تامانیدن مذاکره قیله دیگن هیأت نینگ بیللی بولگن زمان ده تینچلیک مذاکره سینی باشله تیشده تیار بولگن.
اوشبو سوزلر، حکومت تامانیدن تینچلیک مذاکره نی آلغه آلیب باره دیگن هیأت، تینچلیک مذاکره سی نینگ ایکینچی دوری قیین‌چیلیک چیقمسدن باشله نیشده امیدوارلیک بیلدیرگن بیر حالده بیان ایتیلگن.
