بوگون “پنجشنبه” حکومت مذاکره قیلووچی هیاتی سوزلاوچیسی نادر نادری نینگ کابلده خبر بیر ییغین اوتکزیب ایتیشیچه، طالبان گروهی ۳ آیلیک آتیشکیسین پیشنهاد قیلکن.
جناب نادری نینگ ایتیشیچه، طالبان گروهی ۳ آیلیک آتیشکیسین گه قرشی اوشبو گروه ۷ مینگ محبوسی قوییب یوباریلیشی و طالبان گروهی نینگ نامی بیرلشگن ملتلر تشکیلاتی نینگ قاره فهرستیدن چیقاریلیشینی ایستهگن. «مسکو ده طالبان مذاکره قیلووچی هیاتی اعضالریدن بیری ۳ آیلیک آتیشکیسین صورت تاپیشی و اوشبو آتیشکیسین گه قرشی طالبان نینگ ۷ مینگ محبوسی آزاد ایتیلیشی و بو گروه نینگ نام بیرلشگن ملتلر تشکیلاتینی قاره فهرستیدن چیقاریلیشینی مطرح قیلگن ایدی.»
حکومت مذاکره قیلووچی هیاتی نینگ اوشبو عضوی، طالبان نینگ پیشنهادینی «آغیر» عنوان قیلیب و بو درخواست نینگ عملگه آشیریلیشی ناممکن دیگن.
طالبان سوزلاوچیسی ذبیحالله مجاهد نینگ طالبان بو ریجهسینی تصدیقلب سلاموطندارگه ایتیشیچه، اوشبو ریجه ۴ آی آلدین طالبان گروهی تامانیدن پیشنهاد ایتیلگن ایدی؛ لیکن افغانستان دولتی نینگ مذاکره قیلووچی هیاتی بوتوغریده جواب قیترمهگن.
ذبیحالله مجاهد نینگ کوپهیتیریشیچه، افغانستانلیکلر ارا سوزلشوولر سرعتلنتیریلیشی و افغانستان وضعیتی یخشیلنیشی اوچون بو ریجهگه دقت قیلیش کیرهک. اونینگ تاکید قیلیشیچه، طالبان گروهی ۳ آیلیک آتیشکیسینگه قرشی ۷ مینگ محبوس آزاد ایتیلیشی و اوشبو گروه نینگ نامی بیرلشگن ملتلر تشکیلاتی نینگ قاره فهرستیدن چیقاریلیشینی مطرح قیلگن.
شونینگدیک، نادر نادری نینگ ایتیشیچه، طالبان نینگ ۵ مینگ محبوسینی آزاد ایتیلیشی یمان بیر تجربه ایدی، چونکه اوروش یکونلنمهدی و وضعیت یمان بولدی. اونینگ کوپهیتیریشیچه، قوشمه کیلیشووگه قول تاپیش و اوروشنی یکونلنتیریش اوچون ایکی تامانی قوشمه شکلده سعی و حرکت قیلیشی کیرهک.
جناب نادری نینگ کوپهیتیریشیچه، کیلهسی ایکی کون جریانیده مملکت سیاستچیلریدن بیر هیات قطر باشکنتی دوحهگه سفر قیلیشی ممکن. اونینگ ایتیشیچه، طالبان گروهی دولت حاضرگی هیاتی چیککهسیده مملکت سیاسی سیمالری نینگ نهایی قرارگه حضور تاپیشینی ایستهگن.
ایتیلیشیچه، افغانستانلیکلر ارا سوزلشوولر نیچه آی آلدین توختهتیلگن و افغانستان حکومتی اوشبو سوزلشوولر قیته باشلهنیشیدن امیدوار دیر.