آمریکا تشقی ایشلر وزیری مایک پومپئو نینگ ایتیشیچه، قطر باشکنتی دوحه‌ده مذاکره قیلووچی هیاتلر آره‌سیده سوزلشوولر دوام قیلماقده، بیراق زوروانلیک دوام تاپگن حالده، اوشبو سوزلشوولر نتیجه بیرمه‌یدی.
او، بو صحبت‌لرنی اوتگن “جمعه” کونی مانامه ده استراتژیک خلق ارا مطالعات انستیتیوتیده اوتکزیلگن آنلاین ییغینده بیان قیلگن.
پومپئو نینگ ایتیشیچه: «افغانستانده زوروانلیک رقمی کوپ دیر. بیزنینگ زوروانلیکلر کمه‌یتیریلیشی خصوصیده صحبت قیلیشی‌میز کیره‌ک. ایکی هفته آلدین دوحه گه بارگن ایدیم و افغانستان حکومت و طالبان هیاتی بیلن صحبت اوتکزدیم. سوزلشوولر جریانیده زوروانلیک دوام قیلگن صورتده، سوزلشوو نتیجه بیرمه‌یدی دیدیم.»
عین‌حالده، قطر تشقی ایشلر وزیری شیخ محمد عبدالرحمان آل ثانی نینگ ایتالیا ده مدیترانه ییل‌لیک ییغینیده ایتیشیچه، جاری میلادی ییل نینگ اداغی‌گچه افغانستان تینچلیک جریانی قطار یوتوق‌لرگه قول تاپه‌دی. اونینگ ایتیشیچه، کیله‌سی ییل نینگ افغانستان اوچون یخشی بیر ییل بولیشی ممکن.
او، تینچلیک سوزلشوولردن میزبانلیک قیلیش دن اصلی مقصد افغانستان ده ثبات تامین‌لنیش و افغانستان ده تینچلیک تامین‌لنیشی اوچون قطر یاردمی گه دوام بیره‌دی.
