سرپرست حکومت قیشلاقلرنی رواجلنتیریش و قیته قوریش وزیرلیگی، بوگون کابل ده اوتکزیلگن بیر برنامه‌ده، ایچکی بیر شرکت بیلن بدخشان ولایتی واخان سرکی‌نینگ ایکینچی فازی ایشینی باشلش بوییچه قرارداد امضاله‌گن.
اوشبو وزیرلیک سرپرستی محمدیونس آخوندزاده‌نینگ ایتیشیچه، ۱۴۳ میلیون افغانی ارزشی‌گه ۷۱ کیلومتر اوزون‌لیک بیلن واخان سرکی‌نینگ ایکینچی فازی قراردادی، «صداقت» شرکتی بیلن بیر ییل‌‌گچه امضالنگن. اونینگ کوپه‌یتیریشیچه: «هوا ایسیشی بیلن بو لایحه ایشی باشلنیشی و بو ساحه‌دن یشاوچیلر چین گه کیچیک موترلر بیلن باریب کیلیشلری ممکن.»
بیزلرنینگ «ایکس» ترماغی ده هم تعقیب قیلینگ!
چین‌نینگ یارگند منطقه‌سی بیلن باغله‌یدیگن بدخشان ولایتی واخان سرکی، اینگ یقین ترانزیتی یول و افغانستان اوچون اونملی اقتصادی لایحه‌لردن دیر.
صداقت شرکتی باشلیغی غوث‌الدین، واخان سرکی ایکینچی فازی ایشی‌نینگ تعیین‌لنگن وقت‌ده ستندرد شکلده عمل‌گه آشیریلیشی‌دن ایشانچ بیرگن. اونینگ ایتیشیچه: «بو وزیرلیک مسئوللری‌گه سوز بیره‌میز که یوقاری صفت بیلن، هوا ایسیشی بیلن بیرگه یخشی وقت‌ده ایشینی باشله‌یمیز. ییل یکونیگچه بو لایحه ایشی یکون‌لنیشی اوچون کوپینچه سعی‌وحرکت قیله‌میز.»
بیزلرنینگ فیسبوک صحیفه‌میزگه باش اورینگ!
بوندن آلدین، امریکا ییتکیرمه‌لریدن قطاری واخان سرکی ایشی برابریده مالی و خوفسیزلیک توسیق‌لیکلر بارلیگی‌دن گزارش بیرگن ایدی که بو موضوع‌نی اسلام امیرلیگی اساس‌سیز بیله‌دی.
