قندوز ولایتی‌ده سپین‌زر سوداگرلیک مجموعه لایحه‌سی افتتاح بولگن. «گلکسی استونز» سرک قوریش و انشاآتی شرکت تامانیدن عمل‌گه آشیریله‌دیگن اوشبو لایحه مذکور ولایت مرکزی‌ده جایلشگن قهوه‌خانه سرکی اسفالت‌لنیشی، دم آلیش بیر پارک و سوداگرلیک مرکزلر قوریلیشی‌دن عبارت دیر.
مذکور شرکت مسئوللر‌ی، ۸۲۲ میلیون افغانی‌لیک اوشبو مجموعه دایره‌سیده تورت‌ته بویوک تجارتی مارکیت‌نینگ قوریلیشی‌نی بیان قیلگنلر.
بیزلرنینگ «ایکس» ترماغی ده هم تعقیب قیلینگ!
گلکسی استونز سرک قوریش و انشاآتی شرکت باشلیغی سیف‌الرحمان شیرزاد‌نینگ ایتیشیچه، اوشبو لایحه‌ده‌گی مارکیت‌لر ستندرد و اساسی شکلده طراحی بولیب، صراف‌لیک، بانک، مسجد و آلتین، موبایل، الکترونیکی اوسکونه‌لر و کییم ساتووچیلیک دکان‌لر کبی بولیم‌لرگه ایگه بولیشی ممکن.
جناب شیرزاد‌نینگ کوپه‌یتیریشیچه، بو لایحه‌ده نیاز بولگن برچه امکانیت نظرگه آلینیب و کوپینچه آسایشته‌لیک مقصد ۱۰ متر کینگ‌لیگی‌ده پیاده‌یوللر هم قوریله‌دی.
گلکسی استونز سرک قوریش و انشاآتی شرکت باشلیغی‌گه کوره، بولر گه علاوه مذکور لایحه‌گه بیر کیلومتر سرک و دم آلیش بویوک بیر پارک‌نینگ قوریلیشی شامل بولیب و بو، قندوز ولایتی‌ده اقتصادی ترقیات و اجتماعی آسایشته‌لیک اوچون یخشی‌راق زمینه یره‌ته آلیشی ممکن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، قندوز ولایتی یشاوچیلری‌دن قطاری مذکور لایحه‌نی اقتصادی ترقیات و ایش فرصت‌لر یره‌تیلیشی توغریسیده ایجابی آدیم دیب و شهری ماسترپلان‌لر عمل‌گه آشیریلیشی‌گه تاکید قیلگنلر.
اولر‌نینگ ایتیشلریچه، شهری ترقیات مکمل ریجه‌گه اساس‌لنیشی کیره‌ک که شهر آست‌قورمه‌لری، ستندرد سرک‌لر و عمومی جای‌لر هم متناسب روش‌ده کینگه‌یتیریلسه.
قندوز افغانستان شمال‌ده جایلشگن تجارتی مهم ولایت‌لردن بیری بولیب و سونگی ییل‌لرده اقتصادی بولیم‌لرده نسبی ترقیات‌گه شاهد بولگن. شونده‌ی بیرحالده، شهری ماسترپلان‌لر عمل‌گه آشیریلمه‌گنی کوپینچه قیین‌چیلیکلرنی اورته گه کیلتیرگن.
