قندوز ولایتی «رستاق‌آباد» منطقه یشاوچیلری، تورت بسوه ییر نی ۱ میلیون ۲۰۰ افغانی خره‌جت گه ساتیب آلیب و مکتب بناسی قوریلیشی اوچون اوشبو ولایت معارف ریاستی گه تاپشیرگنلر.
اوشبو منطقه‌ده‌گی مکتب اوقووچیلر، مکتب‌لری بناسیزلیگی باعث آچیق مکان‌ده سبق اوقیماقده‌لر.
بیزلرنینگ فیسبوک صحیفه‌میزگه باش اورینگ!
رستاق‌آباد منطقه گذر وکیلی احمد‌ظاهر هدایت نینگ ایتیشیچه، اوشبو منطقه‌ده‌گی مکتب ساحه‌‌سی نینگ کیچیک‌لیگی سبب، مذکور منطقه‌ده مکتب بناسی نینگ قوریلیشی اوچون یشاوچیلردن پول توپلش گه مجبور بولگنلر. اونینگ کوپه‌یتیریشیچه: «بویوک‌راق بنا گه نیازی‌میز بار که، قیزلر و اوغیل‌لر مکتبی اَیریلسین و انه شوو سبب، پول توپلش گه قرار آلدیک که ییر ساتیب آلیب و مکتبی‌میز نینگ بناسی کینگ‌ارق و ینگی بنا قوریلسین؛ اونینگ معارف گه تاپشیردیک، البته پول‌داردن باشلنیب قشاق عایله‌‌گچه، برچه اهالی پول یاردم بیردی.»
باشقه بیر تامان‌دن، رستاق‌آباد مکتبی نینگ اجرایی مدیری نجیب‌الله محمدی، مسئوللردن مکتب نینگ نیازلری بولگن نرسه‌لر نی تیارلش خصوصیده، اولر بیلن همکارلیک قیلینیشی نی ایسته‌گن. اونینگ ایتیشیچه: «مکتبی‌میزده جهازلنگن لابراتوار، کتاب‌خانه و پاک سوو یوق. یوقاری مرتبه‌لی رسمی‌لردن، مکتب قیین‌چیلیگی خصوصیده جدی اعتبار قره‌تیشلری نی ایسته‌یمیز.»
قندوز معارف ریاستی مسئوللری، مذکور ولایت یشاوچیلری نینگ اوشبو اقدامی‌دن خورسند‌لیک بیلدیریب ایتیشلریچه، همکارلیک و اهالی نینگ حمایتی بولگنی صورت‌ده، اولر بو ولایت‌ده معارف خصوصیده‌گی برچه قیین‌چیلیک‌لر نینگ حل قیلیشلری ممکن.
قندوز معارف آمری عبدالحنیف کاکر نینگ ایتیشیچه: «قیین‌چیلیک‌لر نینگ حل قیلیش و جاری ییل‌ده قندوز گه کیلگن ینگی کتاب‌لر نینگ اوقووچیلر گه ترقه‌تیلیشی خصوصیده قرار آلگن‌میزو شونینگدیک مکتب بنا‌لری نینگ خصوصیده‌گی قیین‌چیلیک حلی اوچون سعی و حرکت قیلماقده‌میز.»
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک که، قندوز ولایتی رستاق‌آباد مکتبی‌ده، ۳۵۰۰ قیز و اوغیل اوقووچی بیرینچی صنف‌دن ۱۲-صنف گه قدر سبق کورماقده ایدیلر؛ بیراق ایکی ییل‌دن بیری، آلتینچی صنف‌دن یوقاری بولگن قیزلر، مکتب گه باریش تقیق‌لنگن.
