افغانستان یشاوچیلری، اسلام امیرلیگی حاکمیتیده هجری قویاش ایکینچی ییل نی عین‌حالده کوتیب آلماقده‌لر که، اوشبو حکومت دنیا جماعه‌چیلیگی تامانیدن حاضرگچه رسمیت گه تانیلمه‌گن.
۱۴۰۱_ییل ده منطقه اولکه‌لریدن قطاری، افغانستان نینگ دیپلوماتیک نماینده‌لیکلرینی اسلام امیرلیگی گه تاپیشرگن بولسه‌لرده، بیراق شو بیلن هم ایش بیلرمان‌لر نینگ ایشانچی گه کوره، افغانستان نینگ حاضرگی حکومتی دنیا جماعه‌چیلیگی تامانیدن رسمیت گه تانیلیش گه یقینلشمه‌گن.
ایش بیلرمان‌لر نینگ ایتیشلریچه، حاضرگی حکومت نینگ رسمیت گه تانیلمسلیگی، اولکه یشاوچیلرینی ایریم قیینچیلیک بیلن روپه‌ره قیلگن.
بیزلرنینگ فیسبوک صحیفه‌میزگه باش اورینگ!
خلق‌ارا مناسبت‌لر ایش بیلرمانی بلال فاطمی گه کوره: «حقوقی لحاظ دن بیر مملکت ده شکللنه‌دیگن حکومت‌لر اوچ آی نهایت آلتی آی گچه دوام قیلمه‌یدی، وقتینچه‌لیک حکومت‌لر نینگ حقوقی، سیاسی و حتا مالی مناسبتی بولمه‌یدی، بیراق افغانستان ده بو حالت کوپ اوزون سوردی، ۱۹ آی بولدی و سلبی عاقبتی بولیشی ممکن.»
سیاسی مناسبت‌لر ایشلری بوییچه ایش بیلرمان‌لر نینگ ایشانچی گه کوره، افغانستان ۱۴۰۱_ییل ده کوپراق تنزل گه یوز توتیب و خلق‌ارا مهم ییغیلیش‌لرده اورنی بوش قالگن. اولر گه کوره، منطقه مملکت‌لر قنسولگرلیک خذمت کورسه‌تیش و اقتصادی منفعت‌لری اوچون، افغانستان نینگ دیپلوماتیک نماینده‌لیکلرینی اسلام امیرلیگی گه تاپشیرگنلر.
باشقه تاماندن، خلق‌ارا مناسبت‌لر ایشلری بوییچه ایش بیلرمان‌لردن باشقه بیری نورالرحمان ثاقب نینگ ایتیشیچه، اسلام امیرلیگی رسمیت گه تانیلیشی اوچون جهان بیلن تعامل قیلیشی کیره‌ک.
بونگه علاوه، ایش بیلرمان‌لردن باشقه بیرقطاری گه کوره، اسلام امیرلیگی رسمیت گه تانیلیشی اوچون حاضرگچه عملی اقدام قیلمه‌گن و دنیا جماعه‌چیلیگی، افغانستان وضعیتی گه دایر بی‌فرق دیر.
سیاسی ایش بیلرمان یوسف‌امین زازی نینگ ایتیشیچه: «دنیا جماعه‌چیلیگی افغانستان خلقی برابریده صادق ایمس و افغانستان خلقی نینگ خواست‌لری خصوصیده دنیا جماعه‌چیلیگی بیلن بحث ایتیلمه‌گن.»
بیزلرنینگ توییترده هم تعقیب قیلینگ!
بیراق اسلام امیرلیگی گه کوره، جهان اولر بیلن تعامل قیلگن و ایریم دلیل‌لر سبب، اسلام امیرلیگی بیلن مناسبت‌لرینی حاضرگچه آچیقلشمه‌گن.
اسلام امیرلیگی سوزلاوچیسی نینگ اورین باسرلریدن بلال کریمی نینگ ایتیشیچه: «قطار مملکت‌لرده ایلچیخانه‌لر آچیلگن و قنسولگرلیک ایشلری آلغه آلیب باریلماقده، بیراق مناسبت‌لر حاضرگچه رسمی و آچیقلنمه‌گن، او تامان نینگ باشقه توشینچه‌سی باردیب اویله‌ی من.»
دنیا جماعه‌چیلیگی، اسلام امیرلیگینی رسمیت گه تانیش اوچون، همه شمول حکومت شکللنیشی و انسانی حقوق رعایت ایتیلیشینی اساسی شرط‌لریدن عنوان قیلگنلر؛ بیراق بوتوغریده اسلام امیرلیگی نینگ بی‌فرق‌لیگی و عیاللر گه یره‌تیلگن چیکلاولر باعث، افغانستان نینگ حاضرگی حکومتی حاضرگچه رسمیت تانیلمه‌گن.
