افغانستان اسلامی امارت تشقی ایشلر وزیرلیگی، بیر اعلامیه ترقه‌تیب ایتیشیچه، اوکراین نینگ وضعیتی نی یقیین‌دن نظارت قیلیب و تینچ اهالی‌لر نینگ احتمالی تلفاتی خصوصیده خواطر بیلدیرگن. مذکور اعلامیه نی اوشبو وزیرلیگی نینگ سوزلاوچیسی عبدالقهار بلخی توییتر صحیفه‌سیده ترقه‌تگن.
مذکور اعلامیه‌ده تشقی ایشلر وزیرلیگی اوروش تامانلردن صبر بیلن حرکت قیلیشلری نی سوره‌گن. اعلامیه‌ده کیلیشیچه، ایکی تامان اوروش گه سبب بولگن مقصدلریدن وازکیچیشلری کیره‌ک.
بیزلرنینگ توییترده هم تعقیب قیلینگ!
تشقی ایشلر وزیرلیگی نینگ اورغولشیچه، افغانستان اسلامی امارت طرف‌سیز سیاست اساسیده، روسیه و اوکراین‌دن حاضرگی فاجعه نی اوچره‌شوو یولیدن حل قیلیشلری نی سوره‌گن.
اوشبو وزیرلیک اعلامیه آرقلی اوکراین‌ده حیات کیچیره‌دیگن افغانستان باش‌پناه ایزلاوچیلر و اووقوچیلری نینگ حیات‌لری گه توجه قیلیشلری نی ایسته‌گن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، روسیه نینگ اوکراین گه قیلگن حربی هجومی نینگ ایکینچی کونی دیر. اوکراین جمهور رئیسی ولودیمیر زلنسکی نینگ ایتیشیچه، اوشبو هجوم نینگ بیرینچی کونیده کمیده ۱۳۷ اوکراینی یشاوچی هلاک و ۳۰۰دن آرتیق کیشی یره‌لنگن.
شونیندیگ اوکراینی رسمی‌لری نینگ ادعا قیلیشیچه، روسی حربی‌لر گه هم زیان ییتیشتیرگنلر و روسیه کوچلری نینگ تیک‌اوچری، موتر و تانکی نی بوزگنلر.
