قندوز شهری نینگ ترافیک مدیریتی عضوی محمد بشیر ۳ کون آلدین اویی‌دن دفتر تامان باره‌دیگن پیت‌ده، ناتانش کیشی‌لر تامانیدن اوغیرلنگن. اونینگ اقارب‌لریگه کوره، محمد بشیر نینگ جسدی ۳ کوندن سونگ، تاپیلگن.
بیزلرنینگ فیسبوک صحیفه‌میزگه باش اورینگ!
داعش گروهی نینگ مذکور ترافیک صورتی‌نی اجتماعی ترماقلرده ترقه‌تیب ایتیشیچه، مذکور کیشی اوغیرلنگنیدن سونگ، قندوز نینگ دشت آبدان منطقه‌سیده اوققه توتیلگن.
عین‌حالده، قندوز پولیس قومندانلیگی سوزلاوچیسی انعام‌الدین رحمانی نینگ ایتیشیچه، محمد بشیر اوچ کون آلدین قندوز شهری نینگ سه‌درک منطقه‌سیده طالبان تامانیدن اوغیرلنگنیدن سونگ، اوققه توتیلگن.
جناب رحمانی نینگ کوپه‌یتیریشیچه، قندوز ده داعش یوق و ترافیک پولیسی نینگ تیریکچیلیک قیله‌دیگن و اوققه توتیلگن منطقه طالبان نظارتی‌گه دیر.
عین‌حالده، طالبان سوزلاوچیسی ذبیح‌الله مجاهد نینگ ایتیشیچه، ترافیک عامه خذمت‌لر بیلن شغللنه‌دی و بو گروه عامه خذمت‌لر بیلن شغللنهدیگن کیشی‌لرنی اولدیرمه‌یدی. اونینگ ایتیشیچه، بو واقعه داعش گروهی گه تیگیشلی دیر و بو ایش‌نی داعش تامانیدن صورت تاپیلگنی ممکن.
شونینگدیک، قندوز مدنی فعال‌لری و یشاوچی‌لریدن بیرقطاری نینگ ایتیش‌لریچه، قندوز ولایتیده طالبان نینگ کینگ فعالیتی بار، لیکن داعش گروهی هم فعالیت‌گه باشله‌گن.
بیزلرنینگ فیسبوک صحیفه‌میزگه باش اورینگ!
اولرنینگ ایتیش‌لریچه، قندوز و شمالی ولایتلرده داعش گروهی نینگ حضوری اورته آسیا و روسیه و چین مملکت‌لری اوچون جدی تهدید دیر.
