قندوز ده «چهل دختران» تاریخی تپهسی، اوشبو ولایت نینگ تاریخی مکانلریدن بیری سنلهدی مذکور تاریخی تپه، قندوز شهری نینگ شمال_غربیده جایلشگن و ییردن ۲۰ متر یوقاری دیر.
باستان شناسلردن قطاری اوشبو تپه نینگ تاریخی قدامتی خصوصیده ایتیشلریچه، عمری بالاحصار عمری بیلن تینگ و پادشاهلر نینگ اقامتگاهی بولگن.
محل آقسقاللریدن بیرقطاری نینگ ایشانچی گه کوره، اوتمیش ده ۴۰ قیز، پسته درختی آستیدهگی زیارت ده، درس اوقیب اولتیرگنلر که کافرلر باستیریب کیلیشی چاغیده، مذکور معصوم قیزلر اوییردن لادرک بولیشهدی.
مذکور تپه نینگ شرقی قسمی پسته درختی آستیده زیارت نشانهلری موجود، محل یشاوچیلری اوشبو معصوم و لادرک بولگن قیزلر گه حرمت قیلیشلری باعث، زمان اوتیشی بیلن اوییر زیارتگاه ده اوزگرگن.
چهل دختران منطقه یشاوچیسی نورمحمد، ۲۰ ییل دن بیری بو منطقه ده تیریکچیلیک قیلماقده ایتیشیچه، قدیم زمانلرده مذکور مکان ده ۴۰ قیز توپلم شکلده لادرک بولگنی باعث، بو تپه چهل دختران آتیگه مسمی بولگن.
باشقه تاماندن، قندوز شهری یشاوچیلریدن قطاری، مذکور تاریخی مکان بارهسیده ایتیشلریچه، یوزلرچه ییل قدامتی بولگن اوشبو تاریخی مکان ایچیده بویوک پسته درختی موجود دیر.
قندوز یشاوچیلری، اسلامی امارت مسئوللریدن، مذکور تاریخی مکان نی قوریقلش اوچون دقت قیلیشلرینی سورهیدیلر.
بیزلرنینگ فیسبوک صحیفهمیزگه باش اورینگ!
قندوز یشاوچیسی حاجی عبدالغفور نینگ ایتیشیچه: «تپه نینگ شرقی قسمیده بیر پسته درختی موجود، بو درخت ییللردن بویان بو ییرده بار، آدملر بو ییرده کیلیب بند و تعویذ قیلیشر ایکنلر، سابق ده بو ییرده تیریکچیلیک قیلگن کیشیلر، اوندن آلدینگی تاریخینی بیلیشهدی.»
قندوز شهری یشاوچیلریدن باشقه بیری عبدالحمید گه کوره: «چهل دختران تپهسی تاریخی بیر تپه دیر، دولت دن بو تپه نی حفظ و مراقبت قیلیش اوچون دقت قیلیشینی سورهیمیز.»
عینحالده، چهل دختران تپهسی پوسته مسئولی جمالالدین نینگ ایتیشیچه، اولر منطقه یشاوچیلری و مذکور تاریخی تپهنی قوریقلش گه مسئول دیر.
جمالالدین گه کوره، اوتگن ۲۰ ییل جریانیده اوشبو تپه نینگ قیته قوریلیشی بارهسیده دقت قیلینمهگن.
اونینگ کوپهیتیریشیچه، اسلامی امارت مسئوللری قندوز ولایتی بویلب تاریخی مکانلرنی قوریقلش اوچون جدی سعی و حرکت قیلماقدهلر.
جمال الدین نینگ ایتیشیچه: «بو ییر نینگ امنیتی مسئولی من، کیمسه بو تپه گه قول اوره آلمهیدی، تاریخی بارهسیده معلوماتیم یوق، لیکن تاریخی بیر تپه دیر، بیر زمانلر، هر تاماندن تپه اوستیگه چیقیب بولر ایدی، کرزی نینگ حکومتی زمانیده بو تپه کوپ قازیلگن.»
باشقه تاماندن، قندوز ولایتی معلومات و مدنیت ریاستی نینگ فرهنگی میراثلر مسئولی احمدجاوید رنجبر نینگ ایتیشیچه، اولر تاریخی تپهلر، قلعهلر و ایسکی مسجدلر شامل ۱۹ فرهنگی مکان نی رویخط گه آلگنلر.
جناب رنجبر گه کوره، اوشبو مکانلردن بیری چهل دختران تپهسی دیر که یوزلرچه ییل قدامت گه ایگه.
بیزلرنینگ توییترده هم تعقیب قیلینگ!
اونینگ کوپهیتیریشیچه، اوتگن ییللرده مذکور مکان نینگ ایریم قسملری زوردن باسیب آلینیب و بوزیلگن، بیراق اولر تاریخی مکانلردن حفظ و مراقبت قیلیش اوچون یخشی ریجهلرنی نظرگه آلیشگن.
قندوز معلومات و مدنیت ریاستی نینگ فرهنگی میراثلر مسئولی احمد جاوید رنجبر نینگ ایتیشیچه: «قندوز معلومات و مدنیت ریاستی، تاریخی تپهلر، قلعهلر، مسجدلر و زیارتگاهلر شامل، ۱۹ تاریخی مکان نی رویخط گه آلگن، تاریخی تپهلردن بیری چهل دختران تپهسی دیر، چهل دختران تپهسی نینگ قدامتی یوز ییلدن آرتیق دیر. محل یشاوچیلری گه کوره، بو تاریخی بیر تپه دیر، مردم نینگ تاریخی آبدهلردن خبرسیزلیگی و دقتسیزلیگی باعث، مذکور تاریخی تپه نینگ بیر قسمی غصب بولیب و قازیلگن، بیراق قندوز معلومات و مدنیت ریاستی، اوشبو تاریخی تپهلرنی حفظ و مراقبت قیلیش اوچون ایریم ریجهلرنی نظرگه آلگن.
قندوز مملکت نینگ ایسکی ولایتلریدن سنلهدی که، بو ییرده تاریخی کوپ مکانلر موجود جمله دن قلعهذال، بالاحصار، امامصاحب زیارتی و چهل دختران تپهسی، اوشبو ولایت نینگ مشهور مکانلریدن عبارت دیر.