بوگون ایرته‌لب پکتیا ولایتی کسلخانه داکترلری، اعتراض قیلیب و نیچه ساعت ایشدن قول تارتیشگن. شونینگدیک خوست ولایت داکترلری، دارولش صفتی قویی بولگنی گه قرشی اعتراض بیلدیریش بیلن، مذکور ولایت ساغلیک ریاست ایشیگی نی باغله‌گن.
اعتراضچی‌لرنینگ ایتیش‌لریچه، ساغلیک وزیرلیگی و اونگه تیگیشلی نهادلر اولرنینگ معاشی نی وقتی گه توللمه‌یدی. اولرنینگ آگاه‌لنتیریش‌لریچه، قیینچیلیک‌لری حل بولمه‌گن صورتده، ایش اعتصابی گه دوام بیریش‌لری ممکن.
اعتراضچی داکترلردن بیری محمدنبی نینگ ایتیشیچه: «داکترلر و ساغلیک ایشلاوچیلرنینگ نهایی قراری بو دیر که بیر آی جریانیده معاش‌لری تولله‌نیشی کیره‌ک، بولمه‌گن صورتده، ایش اعتصابی گه دوام بیره‌میز.»
بیزلرنینگ فیسبوک صحیفه‌میزگه هم باش اورینگ!
اعتراضچی داکترلردن باشقه بیری صدیق نینگ ایتیشیچه: «۴ آیلیک معاش و ۲۰ فایزلیک معاش بیر هفته جریانیده تولله‌نیشی خصوصیده سوز بیردیلر، بیراق وعده‌لریگه عمل قیلمه‌دیلر. بیزلر اعتصاب قیلیش گه زورلندیک، چونکه باشقه یولیمیز یوق، بیزلر ساغلیک ریاست ایشیگی نی باغله‌دیک.»
- پکتیا ده ۱۰ مکتب‌نی ۱۱ اوقیتووچی‌سی بار
- پکتیا گمرکی نینگ درآمدی ۵۰% کمه‌یگن
- پکتیا عیاللری میراث ایسته‌گن
- پکتیا، خوست و پکتیکا ولایت‌لری نینگ مکتب‌لرینی ۷ مینگ اوقیتووچی‌گه نیازی بار
ساغلیک وزیرلیگی معاشلر توللنمه‌گنی نی تصدیق‌لب و ایتیشیچه، بودجه نماینده‌لر کینگشی آرقه‌لی کیچیکتیریلیب تصدیقلنگنی باعث، ایشلاوچیلرنینگ معاشی توللنیشی کیچیکتیریلگن.
ساغلیک وزیرلیگی سوزلاوچیسی سنگر نظری نینگ سلام‌وطندارگه ایتیشیچه، پکتیا و خوست ولایت‌لری نینگ ساغلیک ایشلاوچی‌لرینی حقوقی تیزلیککه توللنه‌دی.
بیزلرنینگ توییترده هم تعقیب قیلینگ!
پکتیا و خوست ولایت‌لری نینگ داکترلری و ساغلیک ایشلاوچی‌لری، معاش‌لری کیچیکتیریلگنی گه علاوه، ییترلیچه دارو ییتیشمه‌گنیدن هم تنقید قیلیشگن.
پکتیا و خوست ولایت‌لری نینگ ساغلیک بولیمی ایشلاوچی‌لری نینگ ایش اعتصابی، کسل‌لرنی قیینچیلیک‌لر بیلن روپه‌رو قیلگن. کسل‌لر ساغلیک وزیرلیگیدن، بو قیینچیلیک تیزلیککه حل ایتیلیشی نی سوره‌شگن.
