الجزیره، بوگون (۲۰ حمل/۹ اپریل، پنجشنبه) غزهده اسرائیل هجوملری نتیجهسیده خبرچیلریدن بیری اولگنینی معلوم قیلدی.
اوشبو گزارش گه کوره، الجزیره مباشر خبرچیسی محمد ویشا، غزه شهری غربیده اسرائیل تامانیدن اویوشتیریلگن دران هجومی نتیجهسیده اولگن.
میلادی ۲۰۲۳ ییل اکتوبر آییدن بیری غزهده اسرائيل هجوملری نتیجهسیده حاضرگچه الجزیرهنینگ ۱۲ خبرچیسی اولگن.
بوندن آلدین، فلسطین خبرچیلر اتفاقی ایرکین کمیتهسی، اوشبو میلادی ییل مارچ آییده اسرائیل حربی کوچلری تامانیدن فلسطین خبرچیلری حقوقینی بوزیش گه دایر ۵۳ حالتنی ثبت ایتگن اولردن ایکی حالتی اولدیریش بولگن.
توپلم شکلده، غزهده اوروش باشلنگنیدن حاضرگچه، اسرائیل هجوملری نتیجهسیده بو منطقهده کمیده ۲۶۲ خبرچی اولگن.
