پکتیا حاکمی محمد حلیم فدایی، دولت نینگ ملتگه حساب بیریش ییغینیده ایتیشیچه، اوشبو ولایت ادارهلریدن بیرقطاری نینگ رییسلری کفایتسیز دیر. اونینگ مذکور کیشیلردن استعفا بیریشلرینی سورهب ایتیشیچه، بیرقطار ادارهلرده اهالی گه خذمت ارایه قیلیش کوچی یوق دیر.
جناب فدایی نینگ گمرک درآمدی خصوصیده اشاره قیلیب ایتیشیچه، تیگیشلی اداره بیللی قیلینگن هدف نی تکمیل قیلیشگه قادر بولمهگن.
اونینگ کوپهیتیریشیچه، اوشبو ولایت گمرکی گه بیر میلیارد افغانی هدف تعیین قیلینگن ایدی، لیکن اونینگ یرمی قولگه کیلتیریلگن. پکتیا حاکمی، کرونا ویروسی و مدیریتسیزلیک نی درآمدلر کمهیشی گه دلیل قیلهدی.
عینحالده، پکتیا مدنی فعاللریدن بیرقطاری، اوشبو ولایت گمرک مدیریتی، معارف و ناگرانلر ریاستیده کینگ شکلده فساد بولگنیدن خبر بیرگنلر. اولر، مذکورادارهلرده اساسی شکلده اصلاحات کیلتیریلیشینی سورهگنلر.
پکتیا یشاوچیلری نینگ ایتیشلریچه، حکومت گمرکلرده شفافیت کیلتیریش اوچون جدی شکلده سعی و حرکت قیلمهگن.