ارگ اوز تویتری ده، یک‌شنبه کونی، ۵ سنبله، مملکت باش وزیرلیگی نینگ اداری اورین باسری سرپل محلی مسئوللری بیلن اوچره‌شگنیدن خبر بیرگن.
ارگ اوز تویتری ده کوپه‌یتیریشیچه، سرپل امنیه قوماندانی عبدالبصیر مظهری و اوشبو ولایت نینگ قطار مسئوللری، مملکت باش وزیرلیگی نینگ اداری اورین باسری عبدالسلام حنفی بیلن اوچره‌شگنلر.
بیزلرنینگ فیسبوک صحیفه‌میزگه باش اورینگ!
اوشبو اوچره‌شووده، سرپل امنیه قوماندانی عبدالبصیر مظهری باشقه‌لر نماینده‌لیگیدن نطق سوزلب و اسلام امیرلیگی ییریک رسمی‌لریدن، سرپل ده ترقیاتی پروژه‌لر عملگه آشیریلیشی، کان‌لر قازیب چیقریلیشی، سوو توغان‌لری قوریلیشی، تعلیم و تربیه و مذکور ولایت اهالیسی گه ایش فرصت‌لری یره‌تیلیشی خصوصیده دقت قیلیش‌لرینی طلب قیلگن.
شونینگدیک، مذکور اوچره‌شووده اسلام امیرلیگی باش وزیرلیگی نینگ اداری اورین باسری عبدالسلام حنفی، سرپل ده خوفسیزلیک و دایمی ثبات تأمین ایتیلیشی باره‌سیده مذکور ولایت محلی مسئوللری نینگ سعی‌وحرکت‌لریدن منتدارلیک بیلدیریب و اولکه یشاوچیلری اینیقسه سرپل اهالیسی نینگ، تینچ فضا و آسایشته‌لیک ده حیات کیچیریش‌لری اوچون تلاش قیلیش‌لری اوستیده تأکید ایتگن.
عبدالسلام حنفی گه کوره، اسلام امیرلیگی ولایت‌لر اینیقسه سرپل ده ترقیاتی پروژه‌لر عملگه آشیریلیشی و کان‌لرنی قازیب چیقریش بیلن اولکه یشاوچیلری گه ایش فرصت‌لرینی یره‌تیش مقصدیده سعی‌وحرکت قیلماقده دیر.
بیزلرنینگ توییترده هم تعقیب قیلینگ!
کان‌لر و پترولیم وزیرلیگی سرپرستی شهاب‌الدین دلاور، شنبه کونی، ۱۷ سرطان، سرپل گه قیلگن سفری دایره‌سیده آمو دریا حوزه‌سی قشقری «گاز کانی» قودوق‌لریدن گاز قازیب چیقریش جریانی باشلنگنیدن خبر بیرگن بیرحالده، سرپل محلی مسئوللری، اوشبو ولایت ده ترقیاتی پروژه‌لر عملگه آشیریلیشی و کان‌لر قازیب چیقریلیشینی طلب قیلگنلر.
