پاکستان دن مملکت گه قیتگن یشاوچیلردن قطاری، قشاق‌لیک، ایش‌سیزلیک و یاردم‌لر کیسیلگنی‌دن شکایت قیلیب ایتیشلریچه، مال-ملک‌سیز شکلده افغانستان گه حیات کیچیریش اوچون قیتگنلری بیر وضعیت‌ده، سرپرست حکومت و تشقی یاردم بیرووچی تشکیلاتلر نینگ یاردم و همکارلیک‌لری گه نیازلری بار.
اوچ آی آلدین پاکستان دن مملکت گه قیتگن پیرمحمد و ژرگل نینگ ایتیشیچه، اولر گه ایش زمینه‌سی یره‌تیلمه‌گنی پیتده، کیله‌جکلری خصوصیده امید‌لری قالمه‌یدی.
بیزلرنینگ «ایکس» ترماغی ده هم تعقیب قیلینگ!
پیرمحمد نینگ کوپه‌یتیریشیچه: «پاکستان دن قیتگن‌میز؛ بو ییرده هم ایش یوق. یاردم بیرگنلری پول هم بیتدی؛ یاردم‌لر هم کیسیلدی. حاضر نه ایش بار و نه روزگار. بیر کیشی کسل بولگنی‌ده دوالنیشی اوچون پولی‌میز یوق که شفاکار گه آلیب بارسه‌ک. تینگری گه توکل قیلیب قالگن‌میز.»
ژرگل نینگ کوپه‌یتیریشیچه: «پاکستان دن کیلگن ایدیم و حاضر ایسه قندهار ده‌مین. ایش یوق. دولت یاردم بیرگن ایدی؛ بیراق حیاتی‌میز نی کیچیریش قدر ایدی. دولت‌لر ایش زمینه‌سی یره‌تیلیشی و یاردم بیریلیشی نی ایسته‌یمیز.»
نیازلری نی تأمین قیله آلمسلیک خصوصیده قوشنی مملکت‌لردن مملکت گه قیتگن یشاوچیلر نینگ شکایتی بیلن بیرگه، خلق‌ارا یاردم بیرووچی تشکیلاتلر اولر نینگ یامان وضعیتی توغریسیده آگاه‌لنتیریب و یاردم‌لری نینگ دوام بیریشلری اوچون سعی و حرکت‌لریدن ایشانچ بیرگن.
خلق‌ارا قوتقریش کمیته‌سی، ینگی‌لیکده ایکس صحیفه‌سیده بیر گزارش ترقه‌تیش بیلن آگاه‌لنتیریشیچه، جبری شکلده پاکستان دن چیقریلیب و افغانستان گه قیتگن یریم میلیون‌دن آرتیق قاچقین، نابیللی بیر کیله‌جک بیلن روپه‌ره دیر.
شونده‌ی بیرحالده، بیرلشگن ملتلر تشکیلاتی نینگ انسان‌پرورلیک یاردم‌لرنی هماهنگ قیلووچی دفتری یا-ده اوچا بیر گزارش ترقه‌تیش بیلن، پاکستان دن قیتگن یشاوچیلر گه یاردم بیریش اوچون بیرلشگن ملتلر تشکیلاتی عاجل وضعیت‌لرده حرکت قیلیش مرکزی صندیغی نینگ خلق‌ارا آزیق-آوقت دستوری گه ۳.۸ میلیون دالر همکارلیگی‌دن خبر بیرگن.
بیزلرنینگ فیسبوک صحیفه‌میزگه باش اورینگ!
بیرلشگن ملتلر تشکیلاتی انسان پرورلیک یاردم‌لر نی هماهنگ قیلووچی دفتری نینگ اورغولشیچه، اوشبو مالی یاردم افغانستان گه قیتریلگن ۳۳ مینگ عایله گه نقدی یاردم ترقه‌تیشی خصوصیده خلق‌ارا آزیق-آوقت دستوری گه فرصت یره‌ته‌دی.
قاچقینلر وزیرلیگی پاکستان دن مملکت گه قیتگن یشاوچیلر سانی حقیده هیچ نرسه دیمه‌گنی بیرحالده؛ بیراق ینگی‌لیکده اوچا نینگ ایتیشیچه، اوشبو مملکت‌دن جبری شکلده قاچقینلر نینگ چیقریلیش پروسه‌سیدن حاضرگچه، ۵۰۰ مینگ کیشی افغانستان گه قیتگن.
