بدخشان ده تاریخ نینگ ایکی پارلاق یولدوزی امیرالکلام امیر علیشیر نوایی و ظهیرالدین محمدبابر نینگ توغیلگن ییل‌لیگیدن نشانلنگن.
اوتگن کون شام چاغی بدخشان ولایتی مرکزی فیض‌آباد شهری‌ده شاعرلر، یازووچیلر، مدنیتچیلر و یاش ییگیتلر نینگ حضوری بیلن، بیر قطار مدنیتچیلر آرقه‌لی «امیرالکلام میر نظام‌الدین علیشیر نوایی و اولوغ پادشاه سلطان محمد ظهیرالدین بابر» اسمی آستیده بیر برنامه یولگه قوییلگن.
مذکور برنامه نی یولگه قویگنلردن بیری مسعود تیمور نینگ سلام‌وطندار گه ایتیشیچه، اولر امیرالکلام امیر علیشیر نوایی و ظهیرالدین محمدبابر نینگ ایشلریدن قدردانلیک قیلیش مقصد، بو برنامه نی یولگه قوییگنلر.
اونگه کوره: «بو برنامه نینگ یولگه قوییلگنی‌دن مقصد، ییگیتلر نینگ امیرالکلام امیر علیشیر نوایی و ظهیرالدین محمدبابر خصوصیده کوپراق معلومات قولگه کیلتیریشلری دیر و بو برنامه‌ده ایکی سیما خصوصیده صحبت قیلینیب و اولر نینگ ایشلری خصوصیده بحث ایتیلدی.»
بیزلرنینگ فیسبوک صحیفه‌میزگه باش اورینگ!
شونینگدیک مذکور برنامه نی یولگه قویگنلردن باشقه بیری امدادالحق نینگ ایتیشیچه: «بیر سقف آستیده مدنیتچیلر، شاعرلر، ییگیتلر و یاش ییگیتلر بیلن بو کبی برنامه نی یولگه قوییش کته بیر فخر دیر. ان‌شاءالله کیله‌جک‌لرده هم ییگیتلر همکارلیگی بیلن بو کبی برنامه‌لر نی یولگه قوییشی‌میز ممکن.»
بو برنامه گه شرکت قیلگنلردن قطاری، شاعرلر و سیمالر نی خاطرلش مقصد یولگه قوییلگن بو کبی برنامه‌لردن خورسند‌لیک قیلیب ایتیشلریچه، باشقه تیل‌لر یانیده اوزبیک تیلیده بو کبی برنامه‌لر نینگ یولگه قوییلیشی نی فایده‌لی عنوان قیلگنلر.
برنامه گه شرکت قیلگنلردن بیری امین‌الله شهرانی نینگ ایتیشیچه: «جمعیت‌ده‌گی هر کیشی اوز تیلی نینگ رواجلنیشی اوچون ایشلشی کیرهک. بو کبی برنامه‌لر نینگ یولگه قوییلیشی‌دن خورسند‌لیک قیله‌میز، چونکه بو کبی برنامه‌لر ییگیتلر نینگ تاریخ حقیده معلومات تاپیشلری گه سبب بوله‌دی.»
شونده‌ی بیرحالده، بدخشان محلی مسئوللری نینگ ایتیشلریچه، جماعه‌ده برابرلیک و فرهنگ نی خاطرلش مقصد بولگن حرکت‌لردن حمایت قیلیشلری ممکن.
بدخشان معلومات و مدنیت ریاستی نینگ یاش ییگیتلر بولیمی آمری عبدالصمد شیرزاد، اوزبیک تیلی‌ده‌گی ایکی بویوک شاعر نی خاطرلش مقصد یولگه قوییلگن برنامه‌دن خورسند‌لیک قیلیب سلام‌وطندار گه ایتیشیچه، اولر دایم فرهنگی برنامه‌لر نینگ رواجلنیشی اوچون تلاش قیلیب و اهالی یانیده توخته‌گنلر.
بیزلرنینگ «ایکس» ترماغی ده هم تعقیب قیلینگ!
جناب شیرزاد نینگ کوپه‌یتیریشیچه: «باشقه مملکت‌لر اوزلری نینگ ملی و فرهنگی ارزشلری گه حرمت قایل بوله‌دیلر، قیغو بیلن افغانستان نینگ انقلاب شرایطی‌ده فرهنگی و اجتماعی سیمالریمیز گه حرمت قایل بوله آلمه‌دیک، بیراق حاضر تینچ بیر شرایط یره‌تیلگن و هر کیم بویوک‌لرینی خاطرلشی ممکن.»
ایتیش کیرهک که، اوزبیک مدنیتچیلر و ییگیتلر بوندن آلدین هم ملی ارزشلری نی قدرلش مقصد، بدخشان ده فرهنگی و اجتماعی برنامه‌لر نی یولگه قوییگنلر.
