بدخشان اخبارات و مدنیت ریاستینینگ مدنیت و صنعت آمری محمدعارف فاروقی، اوشبو ولایتده زردشتیلر دوریگه منسوب غار کشف قیلینگنیدن خبر بیردی.
اونگه کوره، بو غار بدخشان ولایتی خاش تومنی «کجگردن» حدودلریده کشف قیلینگن و تاریخی، بیش عصردن آرتیقلیگی تخمین ایتیلگن.
فاروقینینگ ایتیشیچه، حاضرگچه اوشبو غاردن سفال متاعلر و تاش شمعدانلرنینگ بولَکلری تاپیلگن.
بدخشان اخبارات و مدنیت ریاستی مدنیت و صنعت آمرینینگ کوپهیتیریشیچه، اوشبو غار خاش تومنی اهالیسی توپراقدن فایدهلنیش مقصدیده بیر تیپه قزهیاتگن پیتده کشف قیلینگن.
بو غار، اخبارات مدنیت وزیرلیگینینگ باستانشناسلیک ریاستی تامانیدن تېکشیرولردن سۉنگ، بدخشان ولایتیدهگی تاریخی حدودلر رویخطیگه کیریتیلیشی کوتیلهدی.
