پنجشیر معلومات و مدنیت ریاستی مسئوللری، اوشبو ولایتده اوچ تاریخی آبده کشف بولگنی‌دن خبر بیرگنلر.
پنجشیر معلومات و مدنیت ریاست رئیسی نصرالله ملک‌زاده نینگ سلام‌وطندار گه ایتیشیچه، مذکور اوچ تاریخی آبده، ینگی‌لیک‌ده اوشبو ریاست آرقه‌لی پنجشیر ولایتی نینگ حصه‌ی اول تومنی اطرافیده کشف بولگن.
بیزلرنینگ فیسبوک صحیفه‌میزگه باش اورینگ!
پنجشیر معلومات و مدنیت ریاست رئیسی نینگ کوپه‌یتیریشیچه، حصه‌ی اول تومنی نینگ «متا» قیشلاغیده جایلشگن اوشبو تاریخی آبده‌لر، «شکرالله بیک، انار و مرزامحمد» قلعه‌لری اسمی بیلن مشهور دیر.
شونده‌ی بیرحالده، پنجشیر معلومات و مدنیت ریاستی نینگ توریزم و مدنیت آمری محمدصابر دانش‌جو نینگ ایتیشیچه، محل یشاوچیلری نینگ بیاناتی اساسیده، مذکور تاریخی آبده‌لر نینگ قدیمی‌لیگی ۱۵۰دن ۴۵۰ ییل گه ییتیشه‌دی.
بیزلرنینگ توییترده هم تعقیب قیلینگ!
پنجشیر معلومات و مدنیت ریاستی نینگ توریزم و مدنیت آمری نینگ گوپه‌یتیریشیچه، اوشبو تاریخی آبده‌لر بوگون مذکور ولایت نینگ معلومات و مدنیت ریاستی توریزم و مدنیت آمریتی نینگ فرهنگی میراث‌لر نی سقلش مدیری عبدالحی حسن‌پور آرقه‌لی تانیلگن.
شونینگدیک محمدصابر دانش‌جو نینگ ایتیشیچه، اوشبو تاریخی آبده‌لر نینگ دقیق قنچه ییل‌لیگی نی تثبیت قیلیش اوچون، مملکت نینگ باستان‌شناس‌لریدن فنی و مسلکی بیر تیم گه نیاز دیر.
