پنجشیر محلی مسئوللری اوشبو ولایت‌ده یشش بیر اوی‌ده یانغین یوز بیرگنیدن خبر بیرگنلر.
پنجشیر معلومات و مدنیت ریاست رئیسی نصرالله ملک‌زاده نینگ سلام‌وطندار گه ایتیشیچه، مذکور یانغین بوگون ایرتنگ چاغی ساعت ۸:۳۰ ده اوشبو ولایت رخه تومنی نینگ «پیاوشت» قیشلاغیده، سابق حکومت عدلیه وزیری فضل‌احمد معنوی نینگ اویی‌ده یوز بیرگن.
بیزلرنینگ فیسبوک صحیفه‌میزگه باش اورینگ!
پنجشیر معلومات و مدنیت ریاست رئیسی نینگ کوپه‌یتیریشیچه، مذکور یانغین اوشبو اوی نینگ بیشینچی طبقه‌سیده برق شارتی‌سی نتیجه‌سیده یوز بیرگن.
جناب ملک‌زاده نینگ تاکید قیلیشیچه، اطفائیه تیمی نینگ ییتیشیشی بیلن، یانغین اوچیریلگن.
شونینگدیک پنچشیر معلومات و مدنیت ریاست رئیسی نینگ ایتیشیچه، مذکور یانغین نتیجه‌سیده، اوشبو اوی گه مالی زیان‌لر ییتیشگن دیر.
بیزلرنینگ توییترده هم تعقیب قیلینگ!
باشقه بیر تامان‌دن، محلی بیر منبع نینگ سلام‌وطندر گه ایتیشیچه، یانغین فضل‌احمد معنوی اویی نینگ آخرگی طبقه‌سیده جایلشگن بویوک بیر کتاب‌خانه‌ده یوز بیرگن.
ایتیلیشچه، جناب معنوی نینگ اویی‌ده‌گی کتاب‌خانه‌ده اوچ مینگ جلد‌دن آرتیق کتاب موجود ایکن.
