فاریاب ولایتیده بیر میلیارد ۱۲۰ میلیون افغانیلیک اوچ برق لایحهسی ایشی باشلندی.
اسلام امیرلیگی اقتصادی اورین باسرلیگی، بوگون (۸ ثور/۲۸ اپریل، سهشنبه) ایکس صحیفهسیده بیر بیانیه ترقهتیب، فاریابده بیر میلیارد ۱۲۰ میلیون افغانیلیک برق توزیع قیلیش و انتقال بیریش بولیمیده اوچ برق لایحهسی ایشی باشلنگنینی بیلدیردی.
بیانیه گه کوره، اوشبو برق لایحهلری اسلام امیرلیگی اقتصادی اورین باسری عبدالغنی برادر تامانیدن آچیلگن. بو لایحهلرده، فاریاب مرکزی سباستیشنیدن بلچراغ و گرزیوان تومنلریگچه ۱۱۰ کیلوولت برق لینی انتقال بیریشینی اوزهیتیریش (تمدید)، بلچراغ تومنیده ۱۱۰/۲۰کیلوولت سباستیشن قوریلیشی، پشتونکوت تومنیده بیش میگا ولت-امپیر و بلچراغ تومنیده ۱۸ میگا ولت-امپیر کوچیگه ایگه ترانسفارمرلر آرقهلی برق توزیع قیلیش ترماقلرینی کینگهیتیریش شامل دیر.
اسلام امیرلیگی اقتصادی اورین باسرلیگی بیانیهسی اساسیده، بو لایحهلرنینگ مصرفی بیر میلیارد ۱۲۰ میلیون افغانی بولیب، اسلام امیرلیگی تامانیدن توللنیلهدی و اولرنینگ ایشی خصوصی سکتور تامانیدن اوچ ییل دوامیده توگهشی ممکن.
اوشبو لایحهلر ایشی توگهشی بیلن، منطقه یشاوچیلرینینگ برق قیینچیلیگی کمهیب و اولر گه ایریم قولیلیکلر یرهتیشی ممکن.
