بدخشان معلومات و مدنیت باشلیغی معزالدین احمدی نینگ ایتیشیچه، پنج‌شنبه کونی، ۱۸ جوزا، اوشبو ولایت مرکزی فیض‌آباد ینگی شهری حصه‌ی اول حدودلری ده جایلشگن مسجد نبوی ده یوز بیرگن خودکش هجوم عاقبتیده، بغلان سابق امنیه قوماندانی صفی‌الله صمیم شامل ۱۳ کیشی هلاک بولیب وباشقه ۳۰ دن آرتیق کیشی یره‌لنگنلر. او، واقعه خودکش هجوم‌لیگینی تصدیقله‌گن.
بیزلرنینگ فیسبوک صحیفه‌میزگه باش اورینگ!
معزالدین احمدی نینگ کوپه‌یتیریشیچه: پنج‌شنبه کونی توش دن آلدین، بدخشان یشاوچیلری ولایت مقامی سابق سرپرستی و اورین باسری نینگ فاتحه‌خوان‌لیک مراسمیده توپلنگن پیتده پارتلش یوز بیریب و ۱۳ کیشی نینگ اولیمی گه سبب بولدی.»
بدخشان معلومات و مدنیت باشلیغی نینگ ایتیشیچه، واقعه طفیلی یره‌لنگنلر بدخشان دولتی کسخانه‌سی، فیض‌آباد خصوصی کسلخانه‌لری و یره‌دارلردن باشقه بیرقطاری اسلام امیرلیگی تیک اوچرلری آرقه‌لی کابل ده ۴۰۰ بستر کسلخانه‌سیگه انتقال بیریلگن و احوال‌لری یخشی دییلگن.
ایچکی ایشلر وزیرلیگی، مذکور هجوم ده ۱۱ کیشی قربان بولیب وباشقه ۳۰ کیشی یره‌لنگنینی ایتگن. اوشبو هجوم مسئولیتینی حاضرگچه هیچ کیم یا گروه تن آلمه‌گن.
بیزلرنینگ توییترده هم تعقیب قیلینگ!
ایتیش کیره‌ک که، بدخشان ولایتی مقامی سرپرستی و اورین باسری نثاراحمد احمدی، سه‌شنبه کونی، ۱۶ جوزا، داعش گروهی مسئولیتینی تن آلگن بیر خودکش هجوم ده هلاک بولدی.
