بدخشان ده‌گی محلی منبع‌لر، اوشبو ولایت مقامی اورین باسری و سرپرستی نثاراحمد احمدی نینگ فاتحه‌خوان‌لیک مراسمیده پارتلش یوز بیرگنیدن خبر بیره‌دیلر.
بیزلرنینگ فیسبوک صحیفه‌میزگه باش اورینگ!
منبع‌لر گه کوره، مذکور پارتلش بوگون (پنجشنبه، ۱۸ جوزا) توش دن آلدین ساعت ۱۱:۰۰ اطرافی ده، بدخشان مرکزی فیض‌آباد شهری نینگ حصه‌ی اول حدودلریده جایلشگن مسجد ده یوز بیرگن.
اوشبو پارتلش نینگ احتمالی تلفاتی و قنده‌ی‌لیگی حقیده حاضرگچه معلومات بیریلمه‌گن.
بدخشان محلی مسئوللری، اوشبو پارتلش نی تصدیقلسه‌لرده؛ لیکن احتمالی تلفاتی و زیان‌لری حقیده هیچ نرسه دیمه‌گنلر.
بیزلرنینگ توییترده هم تعقیب قیلینگ!
سه‌شنبه کونی، ۱۶ جوزا، بدخشان ولایتی مقامی سرپرستی و اورین باسری نثاراحمد احمدی، موترده ییرلشتیریلگن بمب پارتلشی عاقبتیده هلاک بولدی. اوشبو هجوم مسئولیتینی داعش گروهی تن آلگن.
