بدخشان ده‌گی محلی مسئوللر نینگ ایتیشلریچه، بوگون (سه‌شنبه، ۱۶ جوزا) ایرته‌لب ساعت ۸:۱۶ اطرافی ده، اوشبو ولایت مرکزی فیض‌آباد ینگی شهری حدودلری محکمه تورت یولیده اویوشتیریلگن پارتلش عاقبتیده، ولایت حاکمی اورین باسری شامل ایکی کیشی هلاک بولگنلر.
بیزلرنینگ فیسبوک صحیفه‌میزگه باش اورینگ!
بدخشان معلومات و مدنیت باشلیغی معزالدین احمدی نینگ ایتیشیچه، بدخشان حاکمی اورین باسری نثاراحمد احمدی نینگ موتری ده اویوشتیریلگن پارتلش ده ولایت حاکمی اورین باسری شامل ایکی کیشی هلاک بولیب و باشقه آلتی کیشی یره‌لنگن.
اونگه کوره، واقعه طفیلی یره‌لنگنلر ولایتی کسلخانه گه انتقال بیریلگن و امنیتی کوچلر واقعه گه دایر تیکشیریش‌لرینی باشلشگن.
بیزلرنینگ توییترده هم تعقیب قیلینگ!
ایتیش کیره‌ک که، نیچه آی آلدین بدخشان امنیه قوماندانی عبدالحق ابوعمر، اوشبو ولایت ده اویوشتیریلگن مذکور حادثه کبی پارتلش ده هلاک بولگن ایدی.
