میدیالرده ترقه‌تیلگن گزارش‌لر اساسیده، جاری ییل سرطان آیی‌ده، فراه، پکتیا، پکتیکا، هرات، پروان، بلخ، تخار، فاریاب، بادغیس و خوست ولایت‌لریده، ۱۸ کیشی اولدیریلگن که، اولردن کوپینچه‌سی نینگ عاملی ناتانیش قوراللی کیشی‌لر ایکن.
شونینگدیک ترقه‌تیلگن گزارش‌لر گه کوره، اولدیریلگن کیشی‌لر آره‌سیده، ۱ باله، ۴ عیال و ۱۳ ایرکک شامل دیر.
ینگی بیر مورد‌ده، ایکی کون آلدین هرات ولایتی‌ده قوراللی ناتانیش کیشی‌لر، بیر سینگیل و ایناغه نی اولدیرگنلر که، خوفسیزلیک مسئوللری مذکور قتل سببی نی، شخصی دشمن‌لیک عنوان قیلگن.
بیزلرنینگ فیسبوک صحیفه‌میزگه باش اورینگ!
اولدیریلگن کیشی‌لر عایله‌لری کشفی و امنیتی مسئوللردن، مذکور قتللر عامل‌لری نینگ قولگه آلینیب و قانون گه تاپشیریلیشی نی ایسته‌یدیلر.
عین حالده، جاری ییل ۲۴-سرطان، پروان ولایتی جبل‌السراج تومنی‌ده ۶۰ یاشر پاینده محمد اسملی بیر ایرکک سِرلی شکلده اولدیریلیب و جسدی ایسه سوو گه تشلنگن.
پاینده محمد نینگ یقین‌داشلریدن میرآقا گه کوره، او قشاق و کم‌بغل بیر کیشی ایکن. «مسجد گه کیتیش پیتده، ناتانیش قوراللی کیشی‌لر اونی اولدیردی. هیچ نرسه‌سی یوق ایدی کم‌بغل بیر کیشی ایدی. بو کبی جرم‌لر آلدی آلینیشی و قاتل نینگ جزالنتیریلیشی کیره‌ک.»
شونده‌ی بیرحالده، خوفسیزلیک ایش بیلرمان‌لری نینگ ایتیشلریچه، جدی شکلده تیکشیریش و سرپرست حکومت نینگ اوچتله ارگان‌لر آره‌سیده هماهنگ‌لیک یوقلیگی، قتللر نینگ کون اوتیشی بیلن کوپه‌یشی گه سبب بولگن.
سیاسی و خوفسیزلیک ایش بیلرمانی صادق شینواری نینگ ایتیشیچه، اسلام امیر‌لیگی امکانیت‌لری گه، مسئول بولمه‌گن کیشی‌لر نینگ قولی بارلیگی و اولر نینگ مسئول بولمه‌گن کیشی‌لردن فرق قیلینمه‌سلیگی سبب، قتل واقعه‌لری آزاد بیر شکلده صورت تاپه‌دی. «اولدیریش نینگ ایکی سببی بار، بیرینچی‌سی دشمن‌لیک‌لر و سیاسی فعالیت‌لر. مسئول و مسئول بولمه‌گن کیشی‌لر تانیلمه‌یدی. پولیسی‌میز و یونیفورمی‌میز بیللی ایمس. انه شوو سبب، آت و کییم‌لریدن قوللنیله‌دی.»
بیزلرنینگ توییترده هم تعقیب قیلینگ!
بیراق ایچکی ایشلر وزیرلیگی مسئوللری، میدیالرده ترقه‌تیلگن واقعه‌لر نی تصدیق و رد قیلمه‌ی ایتیشیچه، قتل قضیه‌لریدن برچه‌سی تیکشیریله‌دی.
ایچکی ایشلر وزیرلیگی سوزلاوچیسی اورین‌باسری بسم‌الله حبیب، قتل‌لردن کوپینچه‌سی نینگ سببی نی، شخصی دشمن‌لیک‌لر عنوان قیلیب ایتیشیچه: «پولیس سِرلی قتللر عاملی نی تاپیش خصوصیده جدی شکلده رفتار قیله‌دی و قضیه‌لر نینگ برچه‌سی تیکشیریلیشی خصوصیده سعی و حرکت قیله‌دی. بو کبی قضیه‌لردن کوپینچه‌سی نینگ سببی، شخصی دشمن‌لیک‌لر دیر.»
ترقه‌تیلگن گزارش‌لر اساسیده، جاری قویاش ییل سرطان آیی نینگ باشیدن حاضرگچه، ۱۳ قتل صورت تاپگن که، واقعه‌لردن ۶۰ فایزی اوتگن ۷ کون جریانیده ثبت بولگن.
