ایچکی ایشلر وزیرلیگی مسئوللری نینگ ایتیشلریچه، سونگی بیر ییل ده مملکت مقیاسیده ۳۶۹ خودکش واقعه شامل ۱۵۹۱ قتل واقعه ثبت ایتیلگن.
ایچکی ایشلر وزیرلیگی سوزلاوچیسی نینگ اورین باسری بسم‌الله حبیب گه کوره، اوشبو قتل‌لر گه دایر ۱۸۰۰ کیشی حبس گه آلینگن و سندلری تیکشیریلیشیدن کیین عدلی و قضایی نهادلر گه یوباریله‌دی.
بیزلرنینگ فیسبوک صحیفه‌میزگه باش اورینگ!
بسم‌الله حبیب نینگ کوپه‌یتیریشیچه: «سونگی بیر ییل ده اولکه مقیاسیده ۱۵۹۱ قتل واقعه‌سی یوز بیرگن اولردن ۱۰۰۹ واقعه پولیس تامانیدن کشف ایتیلگن. بو قضیه‌لر گه دایر ۱۸۱۸ کیشی حبس گه آلینگن و اولر نینگ سندلری دستلبکی تیکشیریلیشیدن کیین عدلی و قضایی نهادلر گه یوباریله‌دی. تأسف بیلن اولردن ۳۶۹ ته‌سی خودکش واقعه دیر و پولیس تامانیدن خودکش عاملی گه عیبلنگن ۶۸ کیشی حبس گه آلینگن.»
ایچکی ایشلر وزیرلیگی سوزلاوچیسی نینگ اورین باسری گه کوره، مذکور واقعه‌لر شخصی، عایله‌وی، ناموسی و شونینگدیک نامعلوم قتل‌لردن عبارت دیر.
بیزلرنینگ توییترده هم تعقیب قیلینگ!
ایتیش کیره‌ک که، سونگی کون‌لرده مملکت بویلب خودکش‌لیک واقعه‌لری کوپه‌یگن. ینگی‌لیکده بدخشان، بلخ و ارزگان ده اوچ کیشی مرگ موش ییش، دار گه آسیش و اوق آتیش بیلن حیات‌لری گه نقطه قویگنلر.
