اسلام امیرلیگی نینگ آمو دریا اطرافی تخریب‌لرینی تیکشیریش اوچون یوللـه‌گن هیئتی گه کوره، آمو دریا اطرافی تخریب‌لرینی آلدینی آلیش و دریا قیرغاغ‌لرینی مستحکم‌لش، اسلام امیرلیگی توانیدن یوقاری دیر.
عیال سوداگرلریدن بیرقطاری نینگ ایتیشلریچه، اسلام امیرلیگی حاکمیتیدن کیین، ایش بازارلری سیزیلرلی درجه ده کمه‌یگن. سلام‌وطندار بیلن صحبت اوتکزگن سوداگر عیاللردن قطاری گه کوره، اسلام امیرلیگی حاکمیتیدن کیین خارج گه صادرات‌لری توخته‌گن.
کابل و ولایت‌لرده پاسپورت توزیع قیلیش جریانی توخته‌تیلیشیدن تخمیناً بیش آی دن کوپ اوتماقده دیر. کابل یشاوچیلریدن قطاری پاسپورت توزیع قیلینیش جریانی توخته‌تیلیشیدن شکایت قیلیب ایتیشلریچه، پاسپورت قاره بازار ده کوپ پول عوضی گه ساتیله‌دی.
افغانستان مرکزی بانکی گه کوره، افغانی پول نرخینی مملکت بازارلریده ثابت سقلش مقصدیده، چهار‌شنبه، ۱۲ دلو، ۱۶ میلیون امریکالیک دالرنی داوطلب‌لیک آرقه‌لی لیلام شکلده ساته‌دی.
ایچکی ایشلر وزیرلیگی مسئوللری نینگ ایتیشلریچه، سونگی بیر ییل ده مملکت مقیاسیده ۳۶۹ خودکش واقعه شامل ۱۵۹۱ قتل واقعه ثبت ایتیلگن. ایچکی ایشلر وزیرلیگی سوزلاوچیسی نینگ اورین باسری بسم‌الله حبیب گه کوره، اوشبو قتل‌لر گه دایر ۱۸۰۰ کیشی حبس گه آلینگن و سندلری تیکشیریلیشیدن کیین عدلی و قضایی نهادلر گه یوباریله‌دی.
غور محلی مسئوللری نینگ ایتیشلریچه، اوتگن کیچه کوچلی قار یاغیشی و بوران باعث غور_کابل همده اوشبو ولایت نینگ غربی آلتی تومن قتناو یوللری، یولاوچیلر یوزی گه یاپیلگن.
کاپیسا ده دولتی منبع‌لر، اوشبو ولایت نینگ نجراب تومنی حدودلری ده بیر کیشی، نامعلوم قوراللی کیشی‌لر تامانیدن اوققه توتیلیب اولدیریلگنیدن خبر بیره‌دیلر.
بلخ خوفسیزلیک مسئوللری گه کوره، اوشبو ولایت نینگ چهارکینت تومنیده بیر تام قولشی عاقبتیده، ۴ کیشی هلاک بولگن و باشقه ۱۸ کیشی یره‌لنگن. بلخ امنیه قوماندان‌لیگی سوزلاوچیسی محمدآصف وزیری گه کوره، اوشبو واقعه شنبه کیچه، ۹ دلو، چهارکینت تومنی «قوریق» قیشلاغیده یوز بیرگن.
تشقی ایشلر وزیرلیگی دوشنبه کیچه، ۱۰ دلو، پاکستان نینگ پشاور شهری ده بیر مسجد ده اویوشتیریلگن قانلی خودکش هجوم گه مناسبت بیلدیریب، مذکور مملکت دولتی و حادثه قربانی‌لری نینگ عایله اعضالری گه قیغوداشلیک بیلدیریب و اوشبو هجوم نی قاره له‌گن.
پاکستان میدیالری نینگ معلوماتی اساسیده، اوشبو مملکت نینگ پشاور شهری ده بیر مسجد ایچیده ایوشتیریلگن پارتلش تلفاتی ۹۰ کیشی گه ییتگن.
اسلام امیرلیگی نینگ بیلیم یورت‌لر و خصوصی تحصیلی مؤسسه‌لرده قیز طلبه‌لر قبول قیلینمسلیک قراری گه قرشی مناسبت‌لر دوام ایتر ایکن، افغانستان اوچون جاپان ایلچیخانه‌سی مذکور قرار دن امیدسیزلیگینی بیلدیرگن. افغانستان اوچون جاپان ایلچیخانه‌سی سه‌شنبه کونی، ۱۱ دلو، اوز توییتری ده، افغانستان‌لیک قیز اوقووچیلر گه تحصیلی فرصت‌لر یره‌تیلیشینی طلب قیلگن.
فاریاب محلی مسئوللری، اوشبو ولایت ده بیر خیاط نینگ جسدی تاپیلگنیدن خبر بیره‌دیلر.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
