سلام‌وطندار نینگ معلوماتی اساسیده، میلادی ییل باشله‌نیشیدن حاضرگچه لغمان مرکزی مهترلام شهری، الیشنگ و الینگار تومن‌لریده علیحده توقیز واقعه ده، ۲۳ کیشی هلاک بولیب و باشقه ۱۱ کیشی یره‌لنگن.
بیرینچی واقعه ۲۰ جنوری ده، الینگار تومنی علی‌احمدخان منطقه‌سیده شخصی دشمن‌لیک باعث یوز بیریب نتیجه ده، اوچ کیشی هلاک و باشقه ایکی کیشی یره‌لنگن.
۱۹ مارچ ده، مهترلام شهری دوول‌آباد منطقه‌سیده ییر اوستیده جنجل باعث، اوچ کیشی هلاک بولیب و باشقه بیر کیشی یره‌لنگن.
۳ اپریل ده، الینگار تومنی منگوی قیشلاغیده اوز ارا توقنشووده بیر کیشی هلاک بولیب و باشقه ایکی کیشی یره‌لنگن.
بیزلرنینگ فیسبوک صحیفه‌میزگه باش اورینگ!
شونینگدیک ۹ اپریل ده، الیشنگ تومنی میل دره منطقه‌سیده ایکی قوم آره‌سیده‌گی توقنشووده، ایکی کیشی اولیب و باشقه ۴ کیشی یره‌لنگن.
۱۲ اپریل ده، نامعلوم قوراللی کیشی‌لر مهترلام شهری سلطان‌قاضی منطقه‌سیده، ۳ کیشی اولدیریلیب و باشقه بیر کیشی یره‌لنتیریلدی که محلی رسمی‌لر، واقعه سببینی شخصی دشمن‌لیک اعلام قیلگن ایدیلر.
اوندن ایکی آی دن کیین اوشبو ییل ۲۰ آگست ده، دولت‌شاه تومنیده شخصی دشمن‌لیک سبب توقنشووده، بیر کیشی اولیب و باشقه بیر کیشی یره‌لنگن.
شونینگدیک، ۲۲ سپتمبرده دولت‌شاه تومنی ده‌بالا قیشلاغیده ایکی عایله ارا توقنشووده، ۵ کیشی اولگن.
اوندن کیین ۲۷ اکتوبرده، مهترلام شهری حدودلری گه قره‌شلی معین‌قلعه منطقه‌سیده ییر اوستیده جنجل باعث، ۳ ایناغه اولدیریلگن.
سلام‌وطندار نینگ معلوماتی اساسیده، سونگی واقعه الینگار تومنیده کوچی‌لر اورته‌سیده‌گی توقنشووده ایکی کیشی هلاک بولگن.
مهترلام شهری «دوول‌آباد» منطقه‌سیده ییر اوستیده‌گی توقنشووده اوچ ایناغه‌سینی قولدن بیرگن ۲۵ یاشر شیراحمد نینگ ایتیشیچه، ییرنی قولگه کیلتیرسه‌لرده؛ لیکن ایناغه‌لری اولدیریلیب و ابه‌سی «کاکا» نینگ عایله‌سی قیشلاق‌نی ترک ایتگن.
اونگه کوره: «اوز ارا توقنشوو عاقبتیده عایله اعضالریمیزدن اوچ کیشی هلاک بولدیلر، بو دهشتلی واقعه ایدی و بیز بو حادثه دن جوده‌هم راحت‌سیز میز. بیز دولت، قوم بویوک‌لری و آق‌سقاللردن بوگَل حادثهلر آلدینی آلیشنی ایسته‌یمیز.»
عین‌حالده، لغمان یشاوچیلریدن بیرقطاری، اوز ارا توقنشوو‌لر، شخصی قرمه قرشی‌لیکلر و دشمن‌لیکلر کوپه‌یشیدن خواطر بیلدیریب و اسلام امیرلیگیدن بو کبی حادثهلر حلی و اونگی آلینیشی اوچون چاره کوریش‌لرینی سوره‌یدیلر.
بیزلرنینگ توییترده هم تعقیب قیلینگ!
لغمان یشاوچیسی نصرت‌الله یوسف‌زی نینگ ایتیشیچه: «بیز یشاوچیلردن اوز باشیمچه‌لیک روشده قصاص آلمسلیکلرینی سوره‌یمیز؛ چونکه شرعی نقطه‌ی نظردن قصاص آلیش ناتوغری دیر، بو ایش حاکم‌لر نینگ ایشی دیر. حاکم‌لردن بو گَل حادثه‌لرنی جدی شکلده تیکشیریشنی ایسته‌یمیز.»
لغمان یشاوچیلریدن حضرت‌ولی گه کوره: «اوروش باعث عایله‌لر و قیشلاق‌لر آره‌سیده دوست‌لیک یوقالگن. اهالی دن بو قرشی‌لیکلرنی مذاکره آرقه‌لی حل قیلیب و اوشبو توقنشوولرنی یوق ایتیش‌لرینی سوره‌یمیز.»
عین‌حالده، لغمان ولایتی قرمه قرشی‌لیکلرنی حل قیلووچی کمیسیون مسئوللری نینگ ایتیشلریچه، اوتگن بیر ییل ده قطار عایله‌لر ارا قرشی‌لیکلرنی مذاکره آرقه‌لی حل قیلیشگن.
اوشبو کمیسیون باشلیغی زاهدالله وفا نینگ سلام‌وطندار گه ایتیشیچه: «قوم بویوک‌لری، قوماندان‌لر، بویوک‌لر و عالم‌لردن عبارت تومن‌لرده کمیسیون‌لرنی ایجاد ایتگن میز، الحمدالله تخمیناً ۲۱ یا ده ۲۲ مسئله مذکور کمیسیون‌لر آرقه‌لی حل ایتیلیب و اوشبو دشمن‌لیکلر گه یکون بیرگن.»
مملکت نینگ شرقی ده ییرلشگن لغمان ولایتیده، انده_سنده ییر و سوو توزیع‌سی اوستیده جنجل یوز بیریب و اهالی دن قربان‌لیک آلماقده.
معلومات‌لر اساسیده، شخصی و قومی دشمن‌لیکلردن بیرقطاری، ییل‌لر بویلب دوام تاپیب و اوروش تامان‌لریدن اونلب قربان‌لیک آلگن.
