افغانستان ده بنگی‌وار ماده‌لری ایکیلیشی تقیق‌لنیشیدن کیین، ارزگان ده بیر قطار دهقان‌لر کوکنار اورنیده باشقه نرسه ایکیش گه یوز کیلتیرگنلر.
بیر وقت‌لر ارزگان ده اینگ کوپ سانده کوکنار ایشلب چیقریلر ایدی، بیراق اوشبو ولایت ده‌گی دهقان‌لر کوکنار اورنیده اوز ییرلریده انجیر ایککنلر.
ارزگان ده دهقان‌لردن بیرقطاری نینگ ایتیشلریچه، انجیر یخشی قیمت گه ایگه و اولر نینگ احتیاج‌لرینی تأمینله‌یدی.
بیزلرنینگ فیسبوک صحیفه‌میزگه باش اورینگ!
ارزگان ده‌گی دهقان‌لردن شیرآقا گه کوره: «انجیرلر تمیز و حرام محصولات گه نسبتن برکتلی دیر. برچه اهالی دن باشقه محصولات اورنیده انجیر ایکیش‌لرینی طلب قیله‌من؛ چونکه بیر سیر انجیر ۱۶ مینگ افغانی گه ساتیله‌دی.»
ارزگان ده دهقان‌لردن باشقه بیری محمدولی نینگ ایتیشیچه، انجیر ییغیش باشقه میوه‌لر گه قره‌گنده کوپراق وقت طلب قیله‌دی. او نینگ کوپه‌یتیریشیچه: «ایکی آی دن بیری حاصلات نی ییغماقده‌میز. بو ییل تورت کیشی انجیر ییغیش بیلن مصروف ایدیک. کیله‌سی ییل ده ایشلاوچیلر سانی کوپه‌یشی ممکن.»
ارزگان ده انجیر ایکینی کوپه‌یشی بیلن، اوشبو ولایت ده کوپ سانده ایش‌سیز یاش‌لر ایش بیلن تأمینلنگن. مذکور ییگیت‌لر، انجیر باغ‌لریده ایشلش بیلن اقتصادی احوال‌لری یخشی بولیش گه امیدوارلیک بیلدیره‌دیلر.
ارزگان یشاوچیلریدن فریداحمد گه کوره: «بو ییرده پول عوضی گه ایشله‌ی من. مینگه بیر آی ده ۲۵ مینگ کلدار بیره‌دیلر. یشش اوی یقینیده ایش تاپیلیشی مین اوچون یخشی دیر. خورسند من.»
بیزلرنینگ توییترده هم تعقیب قیلینگ!
ارزگان ایکینچیلیک، سوغاریش و چاروه‌چیلیک ریاستی مسئوللری نینگ ایتیشلریچه، مذکور ولایت ده اوتگن ییل‌لر گه قره‌گنده انجیر باغ‌لری کوپه‌یگن و حاصلاتی اوتمیش ییل گه نسبتن ۱۵ فایز آشگن. ارزگان ایکینچیلیک ریاستی نینگ معلوماتی اساسیده، اوشبو ییل ده مذکور ولایت باغ‌لریدن اوچ مینگ ۲۲۸ تُن انجیر حاصل آلیش‌لری ممکن.
ارزگان ایکینچیلیک ریاستی نینگ مطبوعات بولیمی مسئولی عبدالمنان فاروقی گه کوره: «ارزگان ده بو ییل انجیر یخشی حاصل بیرگن، اوتگن ییل گه قره‌گنده ۱۵ فایز آشگن. اوتگن ییلی ایکی مینگ ۸۰۷ تُن انجیر حاصل آلگن ایدیک و بو ییل اوچ مینگ ۲۲۸ تُن حاصل آلیشیمیز ممکن.»
معلومات‌لر اساسیده، اوشبو ییل جنوبی ولایت‌لر اینیقسه ارزگان ده بیر کیلوگرام انجیر، ۸۰۰ افغانی گه ساتیله‌دی.
