سلام‌وطندارنینگ، ۱۷ قیز و ۱۳ اوغیل شامل ۳۰ اوقووچی و طلبه بیلن اۉتکزگن صحبتی اساسیده، یاشلر آنلاین اوقیش اوچون کوپ قیینچیلیک‌لر بیلن دوچ بولگنلر.
بو گزارش‌ده صحبت قیلگن اوقووچی و طلبه‌لر، انترنت صفتی پس‌لیگی و دایمی برق یوق‌لیگی طفیلی، ترتیبلی طرزده آنلاین اوقیشلرینی اېزله‌ی آلمسلیک‌لرینی اېتگنلر.
بلخ یشاوچیسی سیدهادی هاشمی، آلتی آی آلدین آنلاین طرزده پشتو تیلینی اورگه‌نیشنی باشله‌گن ایتیشیچه، انترنت پس‌لیگی اوچون اوقیش جریانیده قیینچیلیک تاپیلگن. اونینگ کوپه‌یتیریشیچه: «صنف‌ده اشتراک قیلماقچی بولسم انترنت صفتی پس دیر و اشتراک اېته آلمه‌ی من؛ اشتراک قیلگن حالده، آواز جوده ترقاق و حتا اوقیتووچی‌نینگ آوازینی توشینیب بولمه‌یدی. بو مسئله مینی جوده قیینچیلیک بیلن دوچ قیلگن.»
کابل یشاوچیسی ۲۰ یاشر مریم، قیزلر یوزی گه بیلیم یورت‌لر ایشیگی یاپیلگچ، آنلاین آرقه‌لی کمپیوترساینس بولیمیده اوقیش گه دوام بیرگنینی معلوم قیله‌دی. اونگه کوره: «اوقیش پیتیده انترنت کېسیلیب قاله‌دی یا که ضعیف بوله‌دی؛ بو اېسه آواز کېسیلیشی گه سبب بوله‌دی؛ بو اوقیش اوچون جوده قیین معما دیر.»
بیزلرنینگ فیسبوک صحیفه‌میزگه باش اورینگ!
بو سوراو سکیز ولایتده اۉتکزیلگن، انترنت صفتی پس‌لیگیگه قۉشیمچه، دایمی برق یوق‌لیگی آنلاین اوقووچیلرنینگ باشقه معمالریدن سنله‌دی.
سمنگان یشاوچیسی زین‌الدین گه کوره، دایمی برق یوق‌لیگی باعث انده-سنده آنلاین اوقیش صنفی گه اشتراک اېته آلمه‌یدی. اونینگ کوپه‌یتیریشیچه: «تورت آی‌دن بیری گزارش یازیش و عکاس‌لیکنی آنلاین شکلده اوقیماقده‌من؛ انترنت سُست‌لیگی، نرخی یوقاری‌لیگی و دایمی برق یوق‌لیگی، انده-سنده آنلاین اوقیش گه اشتراک ایته آلمسلیگیمگه سبب بوله‌دی.»
اوشبو گزارش‌ده صحبت قیلگنلر، انترنت نرخی یوقاری‌لیگی و انترنت بسته‌لریده تخفیف بیرمسلیگینی، آنلاین اوقووچیلرنینگ باشقه معمالریدن عنوان قیلگنلر.
بیزلرنینگ «ایکس» ترماغی ده هم تعقیب قیلینگ!
ارزگان یشاوچیسی و ۲۶ یاشر سیدطارق، انترنت نرخی یوقاری‌لیگی باعث آنلاین اوقیشلرینی ترتیبلی طرزده دوام بیره آلمه‌گنینی معلوم قیله‌دی. اونگه کوره: «کوپینچه وقت‌لر آنلاین اوقیشدن قاله‌من؛ چونکه انترنت یوق. انترنت پولینی تولش جوده هم قیین دیر؛ انده-سنده آنلاین اوقیش پیتیده انترنت توگه‌ب قاله‌دی؛ کوپ قیینچیلیک بیلن بیر مینگ یا که بیر مینگ ۵۰۰ افغانی گه فعال قیله‌من.»
مذکور طلبه‌لر، اوقووچیلر و طلبه‌لر مخابراتی ترماق‌لر مسئوللریدن، انترنت نرخی گه تخفیف بیریشلرینی اېسته‌یدیلر.
بدخشان یشاوچیسی محمدرسول میرزایی گه کوره: «مخابراتی ترماق‌لردن اېسته‌گیمیز بو که انترنت نرخینی پس توشیرسینلر، بیز یخشی‌لیک بیلن قوللنیب و آنلاین اوقیش‌لریمیز گه دوام بیره آله‌یدیک.»
کابل یشاوچیسی خدیجه نیازی، مخابراتی ترماق‌لر انترنت مخصوص بسته‌لرینی اوقووچیلر و طلبه‌لر گه اختصاص بیریشی کېره‌ک دیېدی. اونینگ کوپه‌یتیریشیچه: «آنلاین اوقووچیلر گه مخصوص بسته‌لر کوزگه توتیلیب یا که انترنت نرخی پس بولینسه، کوپ یخشی بولردی، اهالی قیینچیلیگی هم حل بوله‌دی.»
برچه‌سی بیلن، افغانستان مخابراتی خذمت‌لرنی ترتیب گه سالیش اداره (اترا) سۉزلاوچیسی جلال‌الدین شمس، کېله‌سی ایکّی ییلگچه افغانستان‌ده مخابراتی ترماق‌لر تامانیدن انترنت قیینچیلیگی حل بولیشیدن ایشانچ بیره‌دی. اونگه کوره: «کېله‌سی ایکّی ییلگچه مخابراتی بوتون ترماق‌لر ۳ جی و ۴ جی ایلنه‌دی، بونده‌ی حالده کوپینچه قیینچیلیک‌لر حل بولیشی ممکن. سابق بیر جی‌بی انترنت ۱۱۰ افغانی اېدی، حاضر ۹۵ افغانی تعیین بولگن، اۉتمیش گه نسبتن ۱۴ فایز کمه‌ییش کېلگن.»
سۉنگی اوچ ییلده سرپرست حکومت تامانیدن مکتب و بیلیم یورت‌لر قیز اوقووچیلر یوزی گه یاپیلگچ، اولرنینگ کوپینچه‌سی آنلاین اوقیش گه یوز کېلتیرگن بیرحالده، آنلاین اوقیش قیینچلیک‌لریدن خواطر بیلدیریلماقده.
