طالبان سوزلاوچیسی ذبیح‌الله مجاهد، ایران‌لیک بیر میدیا بیلن صحبت اوتکزیب عیاللر وزیرلیگی نینگ چیقاریلیشی خصوصیده معلومات بیرگن.
طالبان سوزلاوچیسی نینگ ایتیشیچه، عیاللر وزیرلیگی سابق نظام ده «سمبولیک اداره» ایدی و هیچ‌قنده‌ی اجراآتی یوق ایدی. اونینگ کوپه‌یتیریشیچه، عیاللر وزیرلیگی موجود ایدی، لیکن حاضر ده هم مملکت قیشلاقلریده عیاللر دستلبکی حقوق‌لریگه قول تاپه آلمه‌گن.
بیزلرنینگ فیسبوک صحیفه‌میزگه باش اورینگ!
ذبیح‌الله مجاهد ایتیشیچه: «افغانستان اسلامی امارت عیاللر اوچون فعال و تاثیرلی بیر اداره ایجاد ایتیلیشی‌نی ایسته‌یدی.» اونینگ تاکید قیلیشیچه، اوشبو اداره کیله‌جکلرده شریعت چارچوبه‌سیده تنظیم ایتیله‌دی و اونینگ وزارت، معینیت یا-ده ریاست نامی‌ده بولیشی نیاز ایمس.
ایتیلیشیچه، بوگون “یکشنبه” مدنی فعال‌لر و کابل یشاوچیلری عیال وزیرلیگی نینگ ینگی حکومت کابینهسیدن چیقاریلیشی‌گه قرشی اعتراض بیلدیرگن‌لر. اولرنینگ ایتیش‌لریچه، عیاللر وزیرلیگی قیته دن فعال بولمه‌گن صورتده، اعتراض‌لریگه دوام بیریش‌لری ممکن.
