افغانستان تشقی ایشلر وزیرلیگی سوزلاوچیسی نینگ اورین‌باسری ضیااحمد تکل، اوتگن کونی «ایکس» صحیفه‌سیده یازیشیچه، «فرمت مسکو» ییغیلیش تیوره‌گیده، مذکور وزیرلیک سرپرستی امیر‌خان متقی پاکستان و چین نینگ مخصوص نماینده‌لری آصف علی‌خان درانی و یوشیانگ بیلن اوچره‌شگنی‌ده، پاکستان بیلن افغانستان مناسبلری نی دوستانه دیب و پاکستان نماینده‌سی گه، ییتکیرمه‌ده بیانات بیریش اورنیده، قیینچیلیکلر نینگ دیپلماتیک یوللری آرقه‌لی حل بولیشی کیره‌ک دیگن.
شونده‌ی بیرحالده، اسلام امیرلیگی سوزلاوچیسی نینگ اورین باسرلریدن بلال‌کریمی نینگ سلام‌وطندار گه ایتیشیچه، افغانستان بیلن پاکستان آره‌سیده‌گی مناسبتلر غیرنورمال ایمس؛ بیراق قیین‌چیلیک چیقره‌دیگن هر موضوع، دیپلماتیک یولی آرقه‌لی حل بولیشی کیره‌ک. او دیپلماتیک حل یولینی، ایکی تامانلمه مناسبت‌لرده قیینچیلیکلر نینگ حل قیله‌دیگن یالغیز یول بیله‌دی.
بیزلرنینگ فیسبوک صحیفه‌میزگه باش اورینگ!
بو توغریده کریمی نینگ سلام‌وطندار گه ایتیشیچه: «مناسبت‌لریمیز غیرنورمال دیب ایتیلگنی گه قدر ایمس؛ بیراق ینه هم ایته آله‌میز که، قیین‌چیلیک یره‌ته‌دیگن هر مورد‌ده، دیپلماسی و مذاکره گه طرف‌دارمیز.»
اوتگن آی‌لرده پاکستان‌لیک طالب‌لر تحریکی نینگ قنده‌ی سرکوب قیلینیشی خصوصیده افغانستان سرپرست حکومتی‌دن اوشبو مملکت رسمی‌لری نینگ بیاناتی، ییتکیرمه‌لر اعتبارینی اوزی گه قره‌تگن.
عین حالده، سیاسی ایش بیلرمان‌لردن یوسف امین‌زازی، تاریخی بویی افغانستان بیلن پاکستان نینگ جنجل‌لی رفتارلری گه اشاره قیلیب ایتیشیچه، افغانستان دن پاکستان نینگ اختلاف‌لری و ادعالری، بیرلشگن ملت‌لر تشکیلاتی تامانیدن درست بیرشکلده تیکشیریلیشی کیره‌ک.
جناب زازی نینگ کوپه‌یتیریشیچه: «پاکستان بیلن قیینچیلیکلر نی دنیا جماعه‌سی آرقه‌لی حل قیلیشی‌میز ممکن که بو بو مورد خصوصیده مداخله قیلیب و افغانستان اهالی‌سی نینگ سیسی نی ایشیتیشلری کیره‌ک.
بیزلرنینگ «ایکس» ترماغی ده هم تعقیب قیلینگ!
عین حالده، ۲۰۲۲-ییل مسکوده یولگه قوییلگن فرمت مسکو نینگ ییغیلیشی‌ده، قطر، بیرلشگن عرب امیر‌لیکلری، سعودی عربستان و تورکیه دن نماینده‌لر، کوزه‌تووچی صفتیده اوشبو ییغیلیش گه شرکت قیلگن ایدیلر.
افغانستان خصوصیده فرمت مسکو، ۲۰۱۷-ییل اوشبو مملکت‌ده ملی یره‌شوو جریانی نینگ ایلگری سوریش بوییچه سعی و حرکت‌لر نی ساده‌لشتیریش مقصدیده، ایجاد بولگن دیر.
