مسکو نینگ فرمت ییغینی، افغانستان نینگ حاضرگی قیین‌چیلیک‌لری گه حل یول تاپیش مقصدی‌ده، بوگون (چهارشنبه، ۲۵ عقرب) روسیه پایتختی مسکو ده یولگه قوییلگن دیر.
روسیه رسانه‌لری نینگ گزارشی اساسیده، اوشبو ییغین روسیه، چین، هند، پاکستان، ایران، قیرغیزستان، قزاقستان، تاجیکستان، اوزبیکستان و تورکمنستان نماینده‌لری نینگ اشتراکی بیلن یولگه قوییلگن.
بیزلرنینگ فیسبوک صحیفه‌میزگه باش اورینگ!
افغانستان اوچون روسیه خاص نمایندهسی ضمیر کابلوف نینگ ایتیشیچه، اوشبو ییغین نینگ یولگه قوییلگنیدن مقصد، افغانستان قیین‌چیلیک‌لری حلی خصوصیده منطقه مملکت‌لری نینگ قوشمه فکرلری نی تاپیش دیر.
اونینگ کوپه‌یتیریشیچه: «اوچره‌شوودن کیین، برچه‌میز ایری شکلده، ییغیلیشده‌گی کیلیشوو اساسیده، کابل رسمی‌لری بیلن مذاکره قیلیشیمیز ممکن.»
شونینگدیک قطر، سعودی عربستان، بیرلشگن عرب امیرلیگی و تورکیه هم اوشبو ییغین گه مهمان شکلده دعوت بولگن دیر.
مذکور ییغین‌ده افغانستان نینگ ایشلری بوییچه چین نینگ خاص نمایندهسی یوه شیاءوونگ ایتگن که: «بیرلشگن ملت‌لر تشکیلاتی تامانیدن افغانستان نی باغلنگن پول‌لری قیته آچیلیشی کیره‌ک.»
بیزلرنینگ توییترده هم تعقیب قیلینگ!
ایتیش کیره‌ک که، مذکور ییغین گه اسلام امیر‌لیگی‌دن هیچ بیر نماینده دعوت بولمه‌گن دیر.
نیچه کون آلدین، مملکت تشقی ایشلر وزیرلیگی، مسکو فرمت ییغیلیشیده اسلام امیرلیگی چقیریلمه‌گن صورتده، اوشبو ییغین ناقص دیه بیان قیلگن ایدی.
