سرپرست حکومت ترانسپورت و هوا یوللری وزیرلیگی نینگ هواشناسلیک ریاستی بوگون و اېرته (۲۱ و ۲۲ حوت کون‌لری) مملکت نینگ ۱۹ ولایتیده کوچلی قار، یامغیر یاغیب، بوران و سوو تاشقینی یوز بیریش احتمالی‌دن آگاه‌لنتیرگن.
اوشبو ریاست بوگون (دوشنبه، ۲۱-حوت) بیر خبرنامه ترقه‌تیب ایتیشیچه، بلخ، فاریاب، تخار، جوزجان، سرپل، سمنگان، بدخشان، هرات، فراه، نمیروز، هلمند، قندهار، زابل، ارزگان، غزنی، دایکندی، غور، بادغیس و بامیان ولایت‌لری‌ده کوچلی قار، یامغیر یاغیب، بوران و سوو تاشقینی یوز بیریش احتمالی پیش‌بینلیک بولگن.
بیزلرنینگ فیسبوک صحیفه‌میزگه باش اورینگ!
شونینگدیک مذکور ریاست، اوشبو ولایت‌لر نینگ تورلی منطقه‌لریده یامغیر یاغیش میزانینی ۱۵ دن ۴۰ ملی‌متر و قار یاغیش میزانی نی ۱۵ دن ۴۰سانتی‌متر پیش‌بینلیک قیلگن.
شو بیلن بیرگه، ترانسپورت و هوا یوللری وزیرلیگی نینگ هواشناسلیک ریاستی سالنگ‌لر شامل غرب، جنوب، جنوب-غرب ولایت‌لر‌ده احتمالی کوچلی چنگ و توپه‌لنگ بیلن بوران یوز بیریشینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
اېریم منطقه‌لرده بوران تیزلیگی بیر ساعت ده ۲۰ دن ۷۵ کیلومتر پیش‌بینلیک بولگن.
بوندن آلدین، مذکور ریاست مملکت نینگ قطار ولایت‌لری‌ده کوچلی قار، یامغیر و بوران یوز بیریشیدن خبر بیرگن اېدی.
