اوشبو ییل کوکلم فصلیده مملکتنینگ ایریم حدودلریده کوچلی قار و یامغیر یاغیشی، گرچند ایریم دهقانلرنی سیر حاصل ییل گه امیدوار قیلگن بولسه-ده، بیراق بیرقطار دهقانلرنینگ تشویشیگه سبب بولگن.
ایریم دهقانلر، بو یاغینگرچیلیکلر حاصلات کوپهیشیگه آلیب کیلیشینی ایتسهلرده، باشقه بیرقطاری اوشبو یاغینگرچیلیکلر ایکینلر گه مثبت تأثیری بولیشی یانیده بعضی قیینچیلیکلرنی یرهتیب و ایریم حدودلرده ایکینچیلیک ییرلرنی یوق قیلگنینی ایتهدیلر.
بلخدهگی ایکی محنتکار عبدالمنان و عبدالرحیم، سونگی یاغینگرچیلیکلر بوتون دهقانلرنی سیر حاصل ییل اوچون امیدوار قیلگنینی معلوم قیلهدیلر.
محنتکار عبدالمنان شوندهی دییدی: «بیز جودهیم خورسندمیز، حیاتیمیزنینگ برچهسی یامغیر گه باغلیق، آلدین قورغاقچیلیک ایدی، بیراق بوگون کونیمیز یخشیراق اوتماقده، تشویشسیز و خاطرجمع میز. شکر ایکینلریمیز هم یخشی. اوزیمیز هم یخشیمیز، ساغلیغیمیز جاییده، کونیمیز تینچ. الله یامغیر و آبهوانی بیزگه یخشی قیلیب بیردی.»
عبدالرحیم هم شوندهی دییدی: «الله گه شکر بو ییل جوده یخشی ییل و راضیمیز، ایکینلر و اوسیملیکلر یخشی خورسندمیز.»
بلخدهگی دهقانلردن بولمیش امینالله هم، یاغینگرچیلیکلرنی ایکینلر اوچون فایدهلی دیب ایتیشیچه، یامغیر یاغیشی اوسیملیکلرنی طبیعی آفتلر گه قرشی حمایه قیلهدی. اونینگ ایتیشیچه: «بو یامغیرلر جوده فایدهلی دیر، چونکی اوتگن ییللرده سوو یوق ایدی و ایکینلر کمهیگندی. محصولات کوپینچه سوو گه احتیاجی بار، بیراق سوو ییتمسدی. تورلی خیل جملهدن شکرک و باشقه کسللیک و آفتلر تاپیلگن ایدی. حاضر یاغینگرچیلیک ایکینلر یخشی بولگن و آفتلر کمهیگن و حاضرگچه سوو ییتیشمسلیگی بیلن دوچ بولگنیمیز یوق.»
شو بیلن بیرگه، پروان و کاپیسا ولایتلریدهگی دهقانلردن بیرقطارینینگ ایتیشلریچه، اوشبو ییل کوکلم فصلیدهگی یاغینگرچیلیکلر جملهدن بوغدای گه ضرر ییتکزگن و سوو تاشقینلریده دییرلی ۱۰ دن ۱۵ جریب ایکینچیلیک ییرلرینی بوزگن.
پرواندهگی محنتکار عبدالقیومنینگ ایتیشیچه: «بهار فصلیده یامغیر یاغسه، بوغدای باشاق چیقریش عرفهسیده بولهدی. اگر یامغیر جوده کوپ بولسه بو کسللیک قیزیل (زنگ) تاپیلیشیگه آلیب کیلهدی و حاصل کمیهدی.»
شونینگدیک، کاپیسادن فرهاد گه کوره: «سوو تاشقینی یوز بیرهدیگن حدودلرده ۱۵ جریب ایکینچیلیک ییر ضرر کورگن و باشقه جایلرنی هم یوق قیلگن، بونینگ ایکین و ایشگه سلبی تأثیری بولیشی ممکن و جبرلنگن کیشیلر گه حکومت تیکین دارو بیریشینی ایستهیمیز.»
بیراق، قار و یامغیرلرنینگ سووینی باشقریش و سوو تاشقینلرینینگ ایکین و ایکینچیلیک ییرلر گه ضررلرینی آلدینی آلیش اوچون قندهی چاره کوریش کیرهک؟
بیرقطار یشش محیط بیلرمانلرینینگ فکریچه، یاغینگرچیلیکلرنینگ مثبت و منفی عاقبتلری بولیشی ممکن. اولرنینگ کوپهیتیریشیچه، یاغینگرچیلیکلر سووینی باشقریش همده سوو تاشقینی یوز بیرهدیگن حدودلر گه دقت قیلینگن حالده، سوو تاشقینی خطرلری کمهیب و یاغینگرچیلیکلردن ایجابی طرزده ایکینچیلیک و یشاوچیلرنینگ حیاتی یخشیلنیشی اوچون فایدهلنیش ممکن.
یشش محیط بیلرمانی سیدمحمد سلیمانخیل گه کوره: «یخشی باشقرمسهی یاغینگرچیلیکلر سوو تاشقینیگه سبب بولیب و یاز فصلیده سوو ییتیشمسلیک بیلن دوچ بولهمیز، افغانستانده یاز فصلیده یاغینگرچیلیک مقداری کم، یامغیرلر سووینی باشقریب و ذخیره قیلسهی ایکینچیلیک و چارواچیلیک اوچون فایدهلی بولهدی.»
شو بیلن بیرگه، اسلام امیرلیگی ایکینچیلیک، سووغاریش و چارواچیلیک وزیرلیگی مسئوللری، یامغیرلرنینگ سووینی باشقریش و ضایع بولمسلیگی اوچون، بو وزیرلیکنینگ ایریم ریجهلری بارلیگینی بیلدیرهدیلر.
اولرنینگ کوپهیتیریشیچه، بو وزیرلیک حاضرگی کونده مملکت ایریم حدودلریده یامغیر سووینی ذخیره قیلیش اوچون چکدملرنی قوریش اوستیده ایشلهماقده و محنتکارلر گه ایکینچیلیک اوچون سوولردن قندهی فایدهلنیشنی اورگهتیش گه سعی-حرکت قیلماقده. او شوندهی دییدی: «بیرینچی آدیمده مملکتنینگ ایریم حدودلریده چکدملر و کیچیک سوو ذخیره قیلیش انبارلرینی قوریش کیرهک، بوندهی حالتده موسومی سوولر باشقریلیب و احتیاج بولگن حالده اوندن فایدهلنیش ممکن، سوو چیقیندیلری آلدی آلینیشی اوچون ینگی اسلوب اوستیده ایشلهماقدهمیز.»
اوشبو قویاش ییل بیرینچی کونلریده مملکت ایریم حدودلریده کوچلی یاغینگرچیلیکلر و سوو تاشقینلری، مینگلب ایکینچیلیک ییرنی بوزیب، دهقانلر گه زیان ییتکزیب و مینگلب باققه ضرر ییتکزگن.
