میدان‌وردک محلی مسئول‌لری نینگ ایتیشلریچه، اوشبو ولایت نینگ مرکزی حدودلریده یوز بیرگن ترافیکی حادثهده، ۱ کیشی اولیب، عیال‌لر و باله‌لر شامل ۱۷ کیشی یره‌لنگن.
مسئوللر نینگ ایتیشلریچه، مذکور واقعه میدان‌وردک مرکزی، میدان شهرده «۴۰۴» رسوملی بیر موتر یوک تاشووچی بیر موتر بیلن توقنه‌شووی عاقبتیده یوز بیرگن. بو واقعه اوتگن کیچه ساعت ۱۱ اطرافی‌ده میدان‌شهر نینگ ارتش لواسی یقینیده یوز بیرگن.
بیزلرنینگ فیسبوک صحیفه‌میزگه باش اورینگ!
میدان‌وردک ساغلیق‌نی سقلش باشلیغی محمدزرک زیرک نینگ سلام‌وطندار گه ایتیشیچه، اوشبو واقعه طفیلی اولگن ۱ کیشی و ۱۷ یره‌لی، مذکور ولایت نینگ ولایتی کسلخانه‌سی گه انتقال بیریلگن.
میدان‌وردک ساغلیق‌نی سقلش باشلیغی گه کوره، اوشبو واقعه‌ده یره‌لنگن ۱۷ یوللاوچی‌دن ۱۶ ته‌سی درمانلنگن و یالغیز ۱ ته‌سی یره‌سی آغیرلیگی باعث کسلخانه گه یاتقیزیلگن. میدان وردک ساغلیق‌نی سقلش متصدی‌لری نینگ ایتیشلریچه، واقعه‌ده «۴۰۴» رسوملی موتر هیداوچیسی هلاک بولگن.
بیزلرنینگ توییترده هم تعقیب قیلینگ!
باشقه تاماندن بوگون هلمند ولایتیده بیر کیشی ترافیکی حادثهده جان بیرگن. هلمند محلی مسئول‌لری نینگ ایتیشلریچه، اوشبو واقعه هلمند ولایتی نینگ سنگین تومنی حدودلریده بیر موتر سایکل و بیر بایسکل نینگ توقنه‌شووی نتیجه‌سیده یوز بیرگن که نتیجه‌ده بایسکل هیداوچیسی جان بیرگن.
ایتیش کیره‌ک که سونگی کون‌لرده مملکت نینگ بیرقطار ولایت‌لریده ترافیکی حادثه‌لر کوپه‌یب بیر قطار کیشی‌لر نینگ اولیم و یره‌لنیشی گه سبب بولگن. اهالی واقعه‌لر سببینی هیداوچیلر نینگ دقت‌سیزلیگی و سرک‌لر نینگ بوزیق‌لیگی عنوان قیلیشه‌دی.
