بوگون (چهارشنبه، ۸ مارچ/۱۷ حوت)، خلق‌ارا خاتین قیزلر نینگ بیردملیک کونی گه ماس دیر، اوشبو کون مناسبتی بیلن افغانستان ده خاتین قیزلر حاضر هم دستلبکی حقوق‌لری اینیقسه تعلیم وایش حقی دن محروم‌لر. اسلام امیرلیگی حاکمیتیدن کیین آلتینچی صنف دن یوقاری قیز اوقووچیلر یوزی گه مکتب‌لر ایشیگی یاپیلدی؛ بیراق مکتب‌لر ایشیگی یاپیلیشیدن بیر یریم ییل دن کوپ اوتماقده لیکن حاضرگچه قیزلر یوزی گه آچیلمه‌گن. بونگه قوشیمچه، اسلام امیرلیگی حکومتی اوشبو ییل قوس آخرلریده علیحده فرمان صادر قیلیب قیزلر یوزی گه تعلیمی مرکزلر و بیلیم یورت‌لر ایشیک‌لرینی یاپدی و کیین ایسه ایچکی و خارجی نادولتی مؤسسه‌لرده ایشلاوچی عیاللر ایشی توخته‌تیلدی. بیرقطار کیشی‌لر نینگ ایشانچی گه کوره، اوشبو قرارلر مینگلب قیز و عیال نینگ تعلیم و ایش دن محروم بولیشی گه سبب بولگن.
مرکزی ولایت‌لرده قطار قیز اوقووچیلر، مکتب‌لر ایشیگی یاپیق قالیشیدن خواطر بیلدیریب ایتیشلریچه، مکتب‌لر ایشیگی آچیلمسلیگی اولر نینگ اوستیگه سلبی تأثیر قیلیب و قیز اوقووچیلر نینگ امیدسیزلیک و خواطرلری گه سبب بولیب و اولر نینگ روحی کسل‌لیککه چلنتیرگن.
بغلان ولایتی نینگ مرکزی پلخمری شهری ده‌گی مکتب‌لردن بیری نینگ اوقووچیسی بهار نینگ ایتیشیچه: «جمهوریت توزومی قولشی بیلن، مکتب‌لر ایشیگی یاپیلدی و اصلا تعلیم و تحصیل گه اجازه بیریلمه‌دی. کیله‌جگیمیزدن خواطرده میز، روحی کسل‌لیککه چلینگن‌میز.»
میدان‌وردک ده مکتب اوقووچیلریدن خدیجه، مکتب‌لر ایشیگی یاپیق قالیشیدن خواطر بیلدیریب ایتیشیچه، او و صنف‌داش‌لری تقدیرسیز قالگنلر. او نینگ کوپه‌یتیریشیچه: «عایله‌میز ده‌گی نیچه قیز اوقووچی و طلبه دیر؛ بیراق نامعلوم کیله‌جگیمیزدن خواطرده میز. کیله‌جگیمیز قنده‌ی بولیشینی اصلا بیلمه‌ی میز.»
حجاب عیاللر نینگ حذف قیلیش اوچون بهانه دیر
عین‌حالده، قیز اوقووچیلردن باشقه بیرقطاری نینگ ایتیشلریچه، اسلام امیرلیگی حجاب نی و مناسب مکان یوق‌لیگینی بهانه قیلیش بیلن، عیاللرنی جمعیت دن بوتکول حذف قیلیش مقصدیده سعی‌وحرکت قیلماقده.
کاپیسا ولایتی مکتب‌لریدن بیری نینگ اون ایکینچی صنف اوقووچیسی مریم گه کوره: «افغانستان اسلامی بیر مملکت دیر، جمهوریت توزومی ده قیزلر حجاب نی رعایت قیلر ایدیلر، حاضر هم رعایت قیلیشه‌دی و بو [حجاب] بیر بهانه دیر.»
بیزلرنینگ فیسبوک صحیفه‌میزگه باش اورینگ!
دایکندی ده قیز اوقووچیلردن باشقه بیری سمیه نینگ ایتیشیچه: «اولکه بوتون خلقی گواه دیر که حجاب رعایت ایتیله‌دی، صنف‌لر و مکتب‌لر علیحده دیر. مکتب‌لرنی نیگه آچمه‌یدیلر بیلمه‌ی من، ضیالی عیاللر و سیاست گه حضورلری بولیشیدن قورقه‌دیلر، شونی اوچون حجاب نی بهانه قیلیب مکتب‌لر و عالی درگاه‌لر ایشیگینی یاپگنلر.»
باشقه تاماندن، طلبه قیزلر نینگ عایله اعضالری، قیزلری نینگ نامعلوم کیله‌جگیدن خواطر بیلدیریب اسلام امیرلیگیدن آلتینچی صنف دن یوقاری قیز اوقووچیلر یوزی گه مکتب‌لرنی آچیشینی طلب قیله‌دیلر.
سمنگان ولایتی «حضرت سلطان» تومنی یشاوچیسی شیرعلی گه کوره، آلتی فرزندی بار اوچ ته‌سی قیز دیر. او نینگ ایتیشیچه: «هر کونی اوی گه کیله‌من، قیزلریم مکتب‌لر قچان آچیله‌دی و بیز باریب درس اوقیدیک دیب سوره‌یدیلر. مین اولر گه قره‌ب کوپ عذاب چیکه‌من. قچانگچه؟ اسلام امیرلیگی دن قیزلر تعلیم و تحصیل دن محروم بولمسلیگی اوچون مکتب‌لر ایشیگینی اسلام قاعده‌لری اساسیده آچیشینی طلب قیله‌من.»
بغلان یشاوچیسی و تورت اوقووچی قیز نینگ آنه‌سی فوزیه، اسلام امیرلیگی دن، مکتب‌لرنی اوقووچیلر یوزی گه آچیشینی ایسته‌یدی. اونگه کوره، بو قرار نه فقط قیزلر بلکه حکومت اوچون هم یخشی بولمسلیگی ممکن.
فوزیه نینگ کوپه‌یتیریشیچه: «قیزلریم قیش اولی دن حاضرگچه کسل [روحی کسل‌لیککه] چلینگنلر. چونکه کیله‌جک‌لری نامعلوم دیر.»
شونینگدیک، اولکه یشاوچیلریدن باشقه بیرقطاری نینگ ایتیشلریچه، اسلام امیرلیگی تامانیدن عیاللر گه یره‌تیلگن چیکلاولر باعث، فرزندلری نینگ کیله‌جگی اوچون مملکت نی ترک ایتیش گه قرار قیلگنلر.
دایکندی یشاوچیسی دین‌محمد همدرد که ۷ یاشر و ۱۱ یاشر ایکی قیز آته‌سی دیر ایتیشیچه: «یقین ده افغانستان نی ترک ایتیش گه قرار قیلگن‌میز؛ چونکه بو ییرده قیزلریمیز تقدیرسیز قاله‌دی.»
خودکش‌لیک و عایله‌وی زوروانلیک‌لر کوپه‌یشیدن هشدارلر
مملکت نینگ مرکزی ولایت‌لریده‌گی قیز اوقووچیلر، مکتب‌لر یاپیق قالیشیدن خواطر بیلدیریب و اسلام امیرلیگی دن، اولر گه مکتب باریش رخصتی بیریلیشینی ایسته‌یدیلر. مذکور اوقووچیلر مکتب‌لر نینگ یاپیق قالیش یامان عاقبتیدن آگاه‌لنتیره‌دیلر.
بیزلرنینگ توییترده هم تعقیب قیلینگ!
پنجشیر مکتب‌لریده اون بیرینچی صنف اوقووچیسی صنم گه کوره: «اسلام امیرلیگی مکتب‌لر و بیلیم یورت‌لر ایشیگینی آچیشی کیره‌ک. ییگیت‌لر کبی تحصیل قیلیب و جمعیت گه خذمت قیلیش گه حقیمیز بار.» او مکتب‌لر یاپیق قالیش یامان عاقبت‌لریدن آگاه‌لنتیریب کوپه‌یتیریشیچه، قیزلر یوزی گه مکتب‌لر آچیلمه‌گن تقدیرده، مینگلب قیینچیلیک جمله دن عایله‌وی قیینچیلیک، اوی دن قاچیش و حتا خودکش‌لیک قیلیش‌لری گه سبب بوله‌دی.
بامیان دن محدثه اسملی باشقه بیر اوقووچی نینگ ایتیشیچه، قیزلر یوزی گه مکتب‌لر یاپیق قالیشی، امیدسیزلیک، زوردن تورموش گه چیقریش، روحی کسل‌لیک، عایله‌وی زوروانلیک و حتا خودکش‌لیک قیلیش‌لری گه سبب بوله‌دی. او نینگ کوپه‌یتیریشیچه: «قیزلر مکتبی و تعلیمی مرکزلر یاپیق قالیشی سبب، عایله‌لردن قطاری قانونی یاشنی تولدیرمه‌گن قیزلرینی زوردن تورموش گه چیقره‌دیلر.»
مکتب‌لر ایشیگی آچیلیشی اوچون جهانی باسیم‌لر
قیز اوقووچیلر مکتب‌لر یاپیق قالیشیدن خواطر بیلدیریب و حکومت نی عیاللرنی جمعیت دن حذف قیلیش اوچون بهانه قیدیریش گه عین‌حالده عیبله‌ماقده‌لر که، ۵ مارچ ده، بیرلشگن ملت‌لر تشکیلاتی باش کاتبی نینگ اورین باسری آمنه محمد، افغانستان ده قیز اوقووچیلر یوزی گه مکتب‌لر تیزلیک بیلن آچیلیشینی ایتگن ایدی.
بیرلشگن ملت‌لر تشکیلاتی باش کاتبی اورین باسری نینگ تأکیدلشیچه، دنیا همجمعیت افغانستان خاتین قیزلری نینگ تعلیمی نیازلری و حقوق‌لری تأمینلنیشی اوچون بیردملیگی گه دوام بیریشی کیره‌ک؛ بیراق اسلام امیرلیگی جهانی اورغولر بیلن، قیزلر یوزی گه مکتب‌لر آچیلیشی گه دایر حاضرگچه آچیق جواب بیرمه‌گن؛ لیکن اسلام امیرلیگی نینگ قطار رسمی‌لری سونگی بیر ییل ده نیچه مراتبه میدیالر و خارجی دیپلومات‌لر گه، قیزلر نینگ مکتب‌لری آچیلیشی اوچون طرح اوستیگه ایشلش‌لرینی ایتگنلر. مملکت ده تعلیمی ینگی ییل باشله‌نیشی گه ایکی هفته قالسه ده، لیکن بو طرح دن حاضرگچه هیچ خبر یوق.
ایتیش کیره‌ک که، اسلام امیرلیگی نینگ اوشبو قرارلری ایچکی و خلق‌ارا مناسبت‌لر گه روپه‌ره بولگن. بیرلشگن ملت‌لر تشکیلاتی، اسلامی همکارلیکلر تشکیلاتی و قطار اولکه‌لر، قیزلر یوزی گه مکتب‌لر و بیلیم یورت‌لر آچیلیشی اوستیگه تأکید ایتگنلر؛ بیراق اسلام امیرلیگی اوشبو خواست‌لر نینگ هیچ بیری گه اعتبار قیلمه‌گن.
