لوگر یشاوچیلریدن قطارینینگ ایتیشلریچه، اوشبو ولایتدهگی داروخانهلرده مسلکی بولمهگن کیشیلر فعالیتی، لوگر یشاوچیلری حیاتینی خوف بیلن روپهره قیلگن.
لوگر مرکزی پلعلم شهری یشاوچیلریدن صدیقاللهنینگ ایتیشیچه، اوشبو ولایت مرکزی و تومنلریدهگی خصوصی داروخانهلردن قطاریده، کسللرگه مسلکی بولمهگن کیشیلر یا-ده طلبهلر آرقهلی خذمت کورسهتیلهدی که بو، اولرنینگ ساغلیگی توغریسیده تهدید دیر.
بیزلرنینگ فیسبوک صحیفهمیزگه باش اورینگ!
اونینگ کوپهیتیریشیچه، لوگر ساغلیقنی سقلش ریاستی داروخانهلرده مسلکی بولمهگن کیشیلر فعالیتینینگ آلدینی آلیشی کیرهک. «بو ولایتده یاشی کیچیک کیشیلر داروخانهلرده دارو ساتهدی که بو جدی بیر قیینچیلیک دیر، چونکه کسلگه درست دارو بیریلمهگنی صورتده، کسلگه کوپینچه قیینچیلیکلر یرهتیلیشی ممکن. ساغلیقنی سقلش ریاستی بو قیینچیلیک آلدینی آلیشی کیرهک.»
باشقه بیر تاماندن، لوگر ولایتی محمدآغه تومنی یشاوچیسی بولمیش محمد نعیمنینگ ایتیشیچه، بعضا داروخانهلر ایگهلری تجربه قولگه کیلتیریش مقصد بالهلری یا-ده ایناغهلرینی داروخانهگه کیلتیریب و اولر تامانیدن کسللر نسخهسیگه دارو بیریلهدی. اونگه کوره، بو ایش کسللر حیاتینی تهدید بیلن روپهره قیله آلیشی ممکن.
محمد نعیمنینگ کوپهیتیریشیچه، داروخانهلرده بو قیینچیلیک آلدی آلینیشی مقصد، داروخانهلردن نظارت قیلیش اوچون سیار تیملر یرهتیلیشیگه نیاز بار. «داروخانهلرده مسلکی بولمهگن کیشیلر ایشلهیدی که بو بویوک بیر قیینچیلیک دیر و کسللر حیاتینی تهدید قیله آلهدی. بو قیینچیلیک حلی اوچون تیگیشلی نهادلر بیر تیمنی توزهتیب و داروخانهلرنی نظارت قیلیشلری کیرهک.»
لیکن لوگر ساغلیقنی سقلش ریاستی مسئوللرینینگ ایتیشلریچه، هیچ بیر داروخانهگه مسلکی بولمهگن کیشیلرنینگ ایشگه آلینیشی و کسللر نسخهسی اجرا بولینیشی توغریسیده رخصت بیریلمهیدی.
بیزلرنینگ «ایکس» ترماغی ده هم تعقیب قیلینگ!
لوگر ساغلیقنی سقلش ریاستی سوزلاوچیسی فهیماللهنینگ ایتیشیچه، بو ریاست نظارت و تیکشیریش آمریتیگه ایگه بولیب و بعضا کسلخانهلر و داروخانهلرنی نظارت قیلهدی. اونینگ کوپهیتیریشیچه: «داروخانهلرده مسلکی بولمهگن کیشیلرنینگ ایشلهشیگه رخصت بیریلمهیدی. بعضی منطقهلردهگی داروخانهلرده مسلکی بولمهگن کیشیلر آرقهلی کسللر نسخهسی اجرا بولهدی. بو توغریده اهالیدن همکارلیک قیلیشلرینی ایستهیمیز.»
ایتیلیشچه، لوگر ساغلیقنی سقلش ریاستی سونگی پیت داروخانهلرده ناقانونی فعالیت سبب ۱۲ شخصی داروخانهنی یاپگن.
