لوگر مرکزی پل‌علم شهری یشاوچیلریدن قطاری نینگ ایتیشلریچه، اوشبو ولایت مرکزی و تومن‌لریده اسلام امیرلیگی حربی کوچلری نینگ مخصوص یونیفرم‌لری یوق و اولردن کوپینچه‌سی شخصی کییم بیلن فعالیت قیله‌دیلر.
اولر نینگ کوپه‌یتیریشلریچه، شخصی کییم‌ده حربی یوریش، اوشبو ولایت یشاوچیلری آره‌سیده خواطرلر کوپه‌یشی گه سبب بولگن.
بیزلرنینگ فیسبوک صحیفه‌میزگه باش اورینگ!
لوگر مرکزی یشاوچیسی سیف‌الرحمان نینگ ایتیشیچه، شهر‌لر و قتناو یول‌لرده کوپینچه کیشی نینگ شخصی کییم بیلن حربی یوریشی، حربیلر اعتباری نی کمه‌یتیره‌دی. اونینگ کوپه‌یتیریشیچه: «حکومت‌دن برچه حربیلر نینگ یونیفرم کییش گه مجبور قیلیشی نی ایسته‌یمیز. باشقه بیر تامان‌دن اهالی‌دن کوپینچه‌سی بو ایش‌دن اوز فایده‌لری گه قوللنه‌دیلر. یعنی اوغیرلاوچیلیک قیله‌دیلر. بو ایشلر آلدی آلینگنی صورت‌ده، امنیت تصمین بولیشی ممکن.»
لوگر یشاوچیلریدن باشقه بیری عبدالواحد نینگ ایتیشیچه: «حربیلر نینگ بیللی کییمی بولیشی کیره‌ک. چونکه اهالی مذکور کیشی‌لر نینگ حربی بولیب بولمه‌گنی نی بیلمه‌یدیلر.»
لوگر یشاوچیلریدن باشقه بیری محمدیاسین نینگ ایتیشیچه، یشاوچیلر شخصی کییم‌ده حربی یوریش‌دن خواطرلنگنلر و مسئول و مسئول بولمه‌گن کیشی‌لر نینگ تانیش اولر اوچون قیین دیر. اولر، محلی رسمی‌لردن حکومت خوفسیزلیک کوچلری نینگ حربی کییم کییش گه جبرلنتیریلیشلری نی ایسته‌یدیلر.
باشقه بیر تامان‌دن، لوگر امنیه قوماندانلیگی سوزلاوچیسی احمد‌الله انس نینگ ایتیشیچه، اوشبو قیین‌چیلیک نینگ حل قیلینیشی اوچون، ینگی‌لیکده مذکور ولایت مخصوص کوچلری، امنیه قوماندانلیگی، استخبارات ریاستی و ملی ارمیه نینگ شرکتی بیلن بیر کمیته ایجاد بولگن.
بیزلرنینگ «ایکس» ترماغی ده هم تعقیب قیلینگ!
جناب انس نینگ کوپه‌یتیریشیچه، برچه حربی نهاد‌لر اوچون حربی رسمی یونیفرم بیللی بولگن و هر بیر حربی اونینگ رعایت قیلیشی کیره‌ک.
لوگر امنیه قوماندانلیگی سوزلاوچیسی نینگ کوپه‌یتیریشیچه، خوفسیزلیک کوچلری گه مخصوص حربی کییم کییش‌لری یانیده، شونینگدیک اولر گه اهالی بیلن درست یانده‌شوو و درست شکلده امنیت نی تأمین‌لش خصوصیده هم تعلیم بیریلگن.
