جمهور رئیس بیرینچی اورین باسری نینگ ایتیشیچه، کابل شهری ۱۰۰ میلیون دالر ارزشیده بولگن زمانوی خوفسیزلیک کمره‌لر بیلن جهازلنتیریله‌دی.
جمهور رئیس بیرینچی اورین باسری امرالله صالح بوگون (چهارشنبه، ۱۷- جدی) فیسبوک صحیفه‌سیدن یازیشیچه، اوشبو خوفسیزلیک کمره‌لر افغانستان حکومتی نینگ اتفاق‌چیلری (کوچلی قوللب-قوتلش) یاردمی بیلن قمره‌ب آلینه‌دی.
جناب صالح نینگ ایتیشیچه: “حاضرده تکنالوژی کوزگه کورینرلی شکلده آلغه بارگن، کابل خوفسیزلیک کمره‌لری بیلن اولگیدن یخشی‌راق تکنالوژی‌لر بیلن قمره‌ب آلینیشی توغریسیده قرار آلیندی.”
جمهور رئیس بیرینچی اورین باسری نینگ تأکید ایتیب ایتیشیچه، کابل شهری خوفسیزلیک کمره‌لر بیلن قمره‌ب آلینگن حالده ترورچی‌لر و اوغیرلاوچی‌لر نینگ فعالیتی دایره‌سی تاره‌لیشی ممکن.
جناب صالح گه کوره، اینگ سونگ کابل شهری میلادی ۲۰۰۸- ییلده خوفسیزلیک کمره‌لر بیلن قمره‌ب آلینگن ایدی.
سونگی نیچه آیده کابل شهری نینگ خوفسیزلیک وضعیتی خواطرلنتروچی بولگن بیر حالده جمهور رئیس بیرینچی اورین باسری کابل شهری زمانوی خوفسیزلیک کمره‌لر بیلن قمره‌ب آلینیشدن خبر بیره‌دی.
